Wereldkampioensjap hierevoetbal 2022

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Wereldkampioensjap hierevoetbal 2022 waor 't 22e WK hierevoetbal. 't Toernooj, georganiseerd door de FIFA, woort gehawwe in Qatar. Um de extreem hits die 't land in de zomer plaog voont 't WK in 't naojaor en de winter plaots, vaan 20 november tot en mèt 18 december. 32 teams oet vief of zès confederaties hadde ziech geplaots, volgens 'tzelfde formaot wie dat al sinds 1998 weurt aongehawwe; 't waor de lèste kier tot me mèt 32 len späölt.

Qatar kraog 't WK 2022 in 2010 touwgeweze. Direk daonao braok de controverse oet. Ierstens umtot Qatar koelek 'n voetbaltraditie had; me meinde tot de FIFA allein veur 't groet geld vaan 't oliestäötsje waor gegaange. Dit verwiet woort versterk doortot op dezelfde sessie Rusland 't WK veur 2018 kraog touwbedeild. Later woorte diverse FIFA-leie, boe-oonder ex-UEFA-veurzitter Michel Platini, expliciet vaan passieve umkouping besjöldeg. Ouch zwoer kritiek gaof 't op de oonminseleke en gevierleke umstendeghede boe-in de dèks Zuid-Aziatische bouwers de stadions móste bouwe; diverse vaan hun - volgens sommege bronne doezende - kaome um. Wijer kritiek kaom op de minserechtesituatie vaan 't land in 't algemein. Ouch 't praktisch punt vaan de te hoeg temperature woort gemaak; hei-um woort beslote veur 't WK nao november en december te verzètte.

Verkezing[bewirk | brón bewèrke]

De oetverkezing woort rillatief vreug geregeld. Len kóste ziech tot 2 fibberwarie 2009 kandidere veur zoewel 't WK vaan 2018 es dat vaan 2022. De FIFA wèlt 't WK doen roulere tösse de continente; confederaties die e WK hawwe zien de twie volgende WK's daorum oetgeslote. Len vaan de CAF (Afrika) kaome zoedoende neet in aonmerking veur 't WK vaan 2018 (umtot 't WK vaan 2010 al in Zuid-Afrika waor); len vaan de CONMEBOL (Zuid-Amerika) kóste gaaroet neet mètdoen (um 't WK vaan 2014 in Brazilië). Ouch de confederatie die 't WK vaan 2018 pakde, zouw later op deenzelfden daag neet mie kinne mètbeeje veur 2022.

Oetindelek woort op 2 december 2010 gestump. 't WK vaan 2018 góng nao Rusland; de UEFA (Europa) waor dus oetgeslote. Oetindelek bleve vijf bode euver (e zèsde, vaan Indonesië, waor in fibberwarie vaan dat jaor al door de FIFA verworpe). Qatar waor al vaanaof de ierste stumrunde favoriet, meh haolde pas in de lèste de absolute mierderheid.

Land R. 1 R. 2 R. 3 R. 4
Qatar 11 10 11 14
Vereinegde Staote 3 6 5 8
Zuid-Korea 4 5 5
Japan 3 2
Australië 1

Controverses[bewirk | brón bewèrke]

Besjöldeginge vaan umkouping[bewirk | brón bewèrke]

Nao de verkezing kloonk astrein de besjöldeging tot de FIFA ziech door 't riek Qatar hej laote umkoupe. E lid vaan 't Qatarees lobbyteam verklaorde in 2011 tot häör land Afrikaanse FIFA-leie hej betaold. Ze lag dao later contrair verklaoringe euver aof. In 2014 woorte de verdinkinge concreter wie aon 't leech kaom tot Jack Warner, ex-veurzitter vaan de CONCACAF, twie mieljoen dollar had aongenome vaan 'ne Qatarese firma.

Vief vaan de zès hoofsponsore droonge daonao bij de FIFA op 'n oonderzeuk aon. Nao 'n intern oonderzeuk bleek volgens de FIFA tot in eder geval 't comité vaan Qatar niks verkierd hej gedoon. In 2015 evels deeg justitie 'nen inval in 't hoofketoer vaan de FIFA in Zürich, boebij diverse hoeg functionaire woorte gearresteerd. De sjendaole bleve de jaore dao-op dore.

Slechte arbeidsumstendeghede[bewirk | brón bewèrke]

Nao e paar jaor kaome beriechte binne euver de slechte umstendeghede boe de arbeiers, veural oet India en Nepal, oonder móste wèrke. Ze maakde hendeg lang werkdaog, woorte oonderbetaold en móste hun paspoort inlievere bij hunne baas. Ouch woort hun verbooje hun femilie te zien nao d'n eerdsjók vaan 2015. Dit kaom volgens väöl lui en organisaties neer op modern slavernij. Door de slechte umstendeghede waore tösse 2010 en 2013 volgens The Guardian al mie es 500 Nepalese en mie es 700 Indiase bouwvakkers umgekoume. Es me dat extrapoleert, kós dat oploupe tot 4.000 tege d'n tied tot 't WK begint. Diverse lui oet 't voetbal, oonder mie KNVB-veurzitter Michael van Praag, droonge bij de FIFA trop aon tot me de regering vaan Qatar op de rechte vaan bouwlui zouw aonspreke.

Naotot de claims vaan korterbij woorte oonderzoch, bleek 't aontal vaan 1.200 doeje bleek neet te koume vaan de projekte roond 't WK, meh sloog op alle doeje die bij bouwprojekte in Qatar waore gevalle. Qatar heet in totaol mie es twie mieljoen boetelandse bouwvakkers. In 2017 woorte ouch de rechte vaan arbeiers in 't land sterk vergroet: me maag noe zie deensverband beïndege en 't land verlaote. Dit nump evels neet eweg tot de umstendeghede nao westerse maote extreem slech en gevierlek blieve. The Guardian zag in fibberwarie 2021 tot wel 6.500 arbeiers waore umgekoume sinds 't begin vaan de bouw.[1] 't Is evels neet dujelek of dat alle sterfgevalle vaan expats in gans 't land zien, of allein oonder de bouwlui aon de stadions.

Kort veur 't begin vaan 't WK, wie de stadions veerdeg waore, woorte de arbeiers en masse oet hun flats gejaog, nao me zeet um dao voetbalsupporters in te kinne hoesvèste. De arbeiers móste op stèl en sprunk weg en veur verplaotsing nao hun land vaan heerkoms woort neet gezörg. Dèks móste ze boete slaope.[2]

Gezeen dit alles meinde väöl lui tot me in zoe'n stadions neet fetsojndelek kós voetballe. Väöl lui repe op tot 'ne boycot, boe-oonder ouch inkel voetbalclubs. Hendriks Graszoden oet Heitse, wat normaal ummer 't graas veur WK-stadions lievert, besloot nao de beriechte vaan The Guardian gei graas in Qatar te lègke.[3]

'n Argumint tege boycottere is tot de internationaol aondach veur de missten in de bouw zjus 't insegste is wat veur veraandering kin zörge. Bij bouwprojekte in 't land gebäöre zoe'n dinger dèkser; zoonder 't WK waor dao noets zoeväöl aondach veur gekoume. Dit punt maakde oonder mie Ronald de Boer, dee veur de FIFA es ambassadeur wèrk.[4]

Minserechte in 't land[bewirk | brón bewèrke]

Neve de zwoer kritiek op de behandeling vaan bouwvakkers gaof 't ouch kritiek op de algemein minserechte in 't land. Bij de Olympische Winterspeule vaan 2014, in Rusland, had 't kritiek gegeve op 't gebrek aon democratie en de behandeling vaan homoseksuele. Critici merkde toen op tot dit a fortiori gol veur Qatar.[5] Human Rights Watch documenteerde wie in 't land LHBT'ers zoonder aonklach woorte vasgezat, en daonao zoonder rechsbijstand in heropveujingskaampe daan wel conversietherapieë woorte gedwone.[6]

Oontbreke voetbalcultuur[bewirk | brón bewèrke]

Alum kloonk ouch 't verwiet tot 't land 'n voetbalcultuur mis. 't WK zouw niks aanders es 't späölselke vaan de sjeik zien, en oonder de bevolking noets kinne leve. Dees kritiek verminderde get naotot 't nationaol èlftal vaan 't land in 2019 kampioen vaan Azië woort. Toch zag Louis van Gaal, bondscoach vaan Nederland, nog in 2022 tot e WK in dit land 'gekheid' waor en tot 't allein um geld góng.[7]

Klimaot[bewirk | brón bewèrke]

Väöl lui meinde ouch tot Qatar de verkierde keus waor um 't klimaot. In 't land en de wij umgeving weurt 't in de zomer gemekelek bove de 40°C; temperature tot 50°C zien zelfs meugelek. Zelfs mèt oetgebreide drinkpauzes (die ieder, beveurbeeld bij 't WK vaan 2014 in Brazilië, woorte ingelas), is 't oonminselek um hei-in te sporte.

De organisatie vaan 't WK zaog de zin vaan die kritiek in; hei-um woort 't evenemint nao de winter verplaots. Me zouw um dezelfde rei ouch de Confederations Cup mote verplaotse. Dat góng evels neet; me besloot dat toernooj daorum in 2021 neet te hawwe. Later woort die beslissing definitief; de Confederations Cup vaan 2017 in Rusland is daomèt de lèste gebleke.

Privacy[bewirk | brón bewèrke]

'n Aander kritiekpunt waor de privacy, neet allein vaan börgers meh zjus ouch vaan bezeukers. De regering had naomelek veur vreemde de app Ehteraz verpliech gestèld. Dit programma waor gemeind um de contakte vaan mèt COVID-19 aongestoke lui te kinne tracere. Umtot 't dao evels hendeg wied in góng, en iemes ziene gansen handel en wandel binnen 't land kós bloetlègke, kaom dao groete kritiek op. Ind oktober 2022, minder es 'ne maond veur 't begin vaan 't WK, besloot de regering 't gebruuk vaan de app te beïndege.[8]

Officieel aofveerdeginge[bewirk | brón bewèrke]

Door al dees probleme, gans in 't bezunder de doezende umgekoume bouwvakkers, voonte väöl lui tot officieel politieke delegaties móste toesblieve. In Nederland naom de Twiede Kamer begin 2021 'n motie aon boe-in 't kabinèt woort opgeropen neet nao Qatar te goon. Oetindelek besloot 't kabinèt toch iemes te sjikke; ouch de koms vaan keuning Willem-Alexander woort neet expliciet oetgeslote.[9]

Kwalificatie[bewirk | brón bewèrke]

Blauw: de 32 len die ziech veur 't WK höbbe geplaots. Geel: de len die ziech höbbe ingesjreve meh woorte oetgesjakeld. Zwart: neet ingesjreve of gesjors. Gries: gei lid vaan de FIFA.

Discussie euver oetbreiing nao 48[bewirk | brón bewèrke]

FIFA-veurzitter Gianni Infantino stèlde in 2018 veur 't WK vaan 2022 al oet te breie nao 48 deilnummende len. Ieder waor al beslote um op 't WK vaan 2026 zoeväöl len touw te laote.[10]

Oetindelek bleek dit neet haolbaar, oonder mie umtot Qatar heiveur vaan stadions in naoberlen gebruuk hej mote make en de relatie tösse Qatar en zien naobers in 2018 hendeg oonder spanning kaom te stoon. Me gebruuk daorum noe nog de klassieke verhajdinge:

Haaf plaotse zien play-offplaotse. Teams die ziech daoveur kwalificere, speule tegen e team vaan 'n aander confidderatie um 'n plaots op 't WK.

Afrika (CFA)[bewirk | brón bewèrke]

De kwalificatie vaan de CFA gebäörde in drei rundes. De confidderatie kint 54 landeteams, die späölde um vief plaotse.

De 28 zwaakste daovaan (volgens de FIFA-Wereldraanklies) naomen 't in de ierste runde tegenein op; rillatief sterke len woorte heibij tege rillatief zwake geloot. De 14 paore die zoe oontstoonte, späölde twie kier tegenein. De 14 winners vaan die confrontatie struimde door nao de twiede runde. De matche woorte tösse 4 en 10 september 2019 aofgewèrk.

In de twiede runde struimde de 26 (op pepier) sterker teams vaan Afrika in; mèt de 14 oet de ierste runde maak dat 40. Die woorte verdeild in tien poules (A-J) vaan veer. Alle teams in 'n poule späölde daan twie kier tegenein. De tien winners goon door nao de daarde runde. De twiede runde hej oersprunkelek in miert 2020 mote beginne, meh woort um de COVID-19-pandemie pas begós in september 2021. In november waor ze veerdeg.

In de daarde runde späölde de tien winners nog twie kier (toes en oet) in paore tegenein. De vief winners daovaan gónge nao 't WK. De daarde runde woort in miert 2022 aofgewèrk.

Azië (AFC)[bewirk | brón bewèrke]

In Azië veel de kwalificatie veur 't WK vaan 2022 same mèt die veur 't Aziatisch kampioensjap vaan 2023. Hei waore, boete 't otomatisch geplaots Qatar, veer plaotse te winne, plus ein play-offplaots. Dit gebäörde in drei rundes. De AFC kint 46 landeteams.

In de ierste runde späölde de twelf minste teams (weer volgens de FIFA-raanklies) in paore tegenein. De zès winners gónge door nao de volgende runde. De matche woorte gespäöld op 6/7 juni en 11 juni 2019.

In de twiede runde struimde alle aander len in; ouch Qatar deeg mèt aongezeen dat ziech wel nog mós plaotse veur 't Aziatisch kampioensjap. De in totaol 40 teams (34 instruimers plus de zès winners vaan de ierste runde) woorte in ach poules vaan vijf verdeild. De ierstes (aofgezeen vaan Qatar) gónge zoewiezoe door nao de daarde runde. De twiedes woorte gesjik vaan bèste nao minste; de veer bèste daovaan gónge ouch door. Umtot Qatar gróp E gewonne heet - en daomèt ouch al bij de bèste twelf zaot - naom de vijfde nommer twie de plaots euver. De twiede runde begós in september 2019 en hej mote goon tot juni 2020. Door de COVID-19-pandemie woort ze oetindelek pas in juni 2021 aofgeslote.

Zoe kraog me dus twelf teams. In de daarde runde woorte die in twie poules vaan zès verdeild. De ierste twie vaan eder poule struimde door nao 't WK. De twie daardes späölde daan iers nog tegenein (in wat me al 'n veerde runde kin neume). Australië won die tösserundes en späölde oetindelek weer tegen e team oet 'n aander confidderatie. Door alle oetstèl waor pas begin juni 2022 bekind wee de play-offplaots pakde.

Europa (UEFA)[bewirk | brón bewèrke]

De Europese fidderatie UEFA umvat 55 teams, en kós 13 teams nao 't WK sjikke. Daoveur woorte de teams in tien poules (A-J) vaan vief of zès gezat. De nommers ein plaotsde ziech zoewiezoe; veur de aander drei plaotse zouwe play-offs weure gespäöld. Umtot de kwalificatie vaan de UEFA pas rillatief laat begós, had me nog good um de COVID-19-pandemie heen kinne planne. De grópsfase woort in de loup vaan 2021 gespäöld.

Veur die play-offs plaotsde ziech in ierste instantie de tien nommers 2; Tsjechië en Oosteriek kaome daobij door hun prestaties in de UEFA Nations League. Die twelf len móste daan drei mini-toernoje speule, boevaan de winner doorgóng nao 't WK. Oonder de kwalificatie begós de invasie vaan Rusland in de Oekraïne; diverse len wouwe dao-op neet mie tege 't Russisch èlftal voetballe. De UEFA besloot toen veur Rusland oet de play-offs te zètte. De play-offs woorte ind mei, begin juni gehawwe.

Noord-Amerika (CONCACAF)[bewirk | brón bewèrke]

De CONCACAF umvat 35 teams, meh eint - Saint Lucia - trok ziech oonder de kwalificatie trök. De kwalificatie hej mote loupe vaan september 2020 tot en mèt oktober 2021, meh woort oetgestèld tot miert 2021. In miert 2022 waor ze veerdeg.

Umtot 't binne de CONCACAF groete niveauversjèlle gief, woort de kwalificatie getrep oetgeveurd. De vief sterkste len (nao de FIFA-wereldraanklies) hoofde gein veurrundes te speule. De aander daarteg teams woorte in zès poules vaan vief verdeild. De zès winners vaan die poules woorte in de twiede runde weer tegenein losgelaote. De drei teams die dat euverleefde, gónge door nao de daarde runde. Dao-in späölde de vief sterkste len plus de drei euverlevers vaan de twiede runde in competitie tegenein. De boveste drei gónge direk nao 't WK, dewijl de nommer 4 nog 'ne play-off tege de winner vaan de OFC te wachte stoont. Opvallend waor de prestatie vaan Canada, wat ziech neet allein veur 't iers sinds 1986 wis te plaotse (dewijl 't zeker gei sterk land waor), meh ouch de poule won en de VS en Mexico - traditioneel de twie sterkste len op 't continent - achter ziech leet.

Oceanië (OFC)[bewirk | brón bewèrke]

De OFC umvat èlf teams, die veur mer ein play-offplaots speule. De competitie hej in november 2021 mote indege, meh de COVID-19-pandemie maakde alles oondoenelek complex. Oetindelek woort devoor gekoze de ganse kwalificatie in miert 2022 in Qatar aof te wèrke; de winner kós dao direk ouch blieve veur de intercontinentaol play-offs. Speule op neutraol terrein maakden 't ouch meugelek de rundes in eine match aof te wèrke, umtot 't veur niemes toesmatche gaof.

Vaan de èlf len beslote 'rs veer hei neet aon mèt te doen. Vaan de zeve die dat wel wouwe, haolden 'rs veer de knock-outrunde. Wie vaan te väöre verwach won Nui-Zieland dat vrij gemekelek.

Zuid-Amerika (CONMEBOL)[bewirk | brón bewèrke]

De tien len vaan de Zuid-Amerikaanse boond späölde wie gebrukelek in 'n competitie tegenein speule. De veer bèste gónge direk nao 't WK, de vijfde mós op veur de play-offs. Dees competitie hej in miert 2020 mote beginne en in november 2021 mote indege. Oetindelek waor de ierste späölrunde in oktober 2020; de lèste woort in miert 2022 gehawwe.

't Aonwieze vaan de kandidaote verleep flot, meh Brazilië-Argentinië woort nao vief menute oonderbroke wie Braziliaonse dokters bij de tegestanderd 'n euvertrejjing vaan de COVID-regele hejje gezien. Veur de kwalificatie maak dat wieneg oet, umtot de twie toch soeverein 1 en 2 zien geïndeg. Veur de ier, en veur de Wereldraanklies-punte, geit me in september 2022 de match toch euverspeule.

Play-offs[bewirk | brón bewèrke]

De intercontinentaol play-offs woorte gans aon 't ind vaan de kwalificatie gehawwe, in de loup vaan 2022. Veer vaan de zès fidderaties (AFC, CONCACAF, CONMEBOL en OFC) waore drin betrokke. De winner vaan de OFC-kwalificatie, Nui-Zieland, späölde op 14 juni tege de nómmer veer vaan de CONCACAF, Costa Rica. De match indegde in 'n 0-1 euverwinning veur Costa Rica. Oonderwijl mós de nommer vijf vaan de CONMEBOL (Peru), op 13 juni op tege de nommer vijf vaan de AFC (Australië). Dee match indegde in 'n euverwinning nao penanties veur Australië.

Stadions[bewirk | brón bewèrke]

Späölstad Stadion Capaciteit Pleetsje
al-Chor Al-Baytstadion 60.000
Doha Stadion 974 40.000
ath-Thoemama-stadion 40.000
Lusail Nationaol Lusailstadion 80.000
ar-Rajjaan Ahmad bin Ali-stadion 44.740
Chalifah Internationaol Stadion 40.000
Oonderwiesstadstadion 45.350
al-Wakrah Al-Dzjanoebstadion 40.000

Grópsfaas[bewirk | brón bewèrke]

De ierste match zal op 21 november weure gespäöld. In aprèl 2022 waor de loting. De aongegeve tije zien Midde-Europese tied, ofwel d'n tied vaan Nederland en 't Belsj; in Qatar is 't twie oor later.

Poule A[bewirk | brón bewèrke]

Pos. Team Sp W G V GV GT DS Pt
1. Nederland 3 2 1 0 5 1 +4 7
2. Senegal 3 2 1 1 5 4 +1 6
3. Ecuador 3 1 1 1 4 3 +1 4
4. Qatar 3 0 0 3 1 7 -6 0
20 november, 17.00
Qatar 0 – 2 Ecuador
Al-Chor, al-Baytstadion
Sjeidsrechter: Daniele Orsato
Gole


21 november, 17.00
Senegal 0 – 2 Nederland
Doha, ath-Thoemama
Sjeidsrechter: Wilton Sampaio
Gole
25 november, 14.00
Qatar 1 – 3 Senegal
Doha, ath-Thoemamastadion
Sjeidsrechter: Antonio Mateu Lahoz
Gole


25 november, 17.00
Nederland 1 – 1 Ecuador
Ar-Rajjaan, Chalifa Internationaol Stadion
Sjeidsrechter: Mustapha Ghorbal
Gole
29 november, 16.00
Ecuador 1 – 2 Senegal
Ar-Rajjaan, Chalifa Internationaol Stadion
Sjeidsrechter: Clément Turpin
Gole


29 november, 16.00
Nederland 2 – 0 Qatar
Al-Chor, al-Baytstadion
Sjeidsrechter: Bakary Gassama
Gole

Poule B[bewirk | brón bewèrke]

Pos. Team Sp W G V GV GT DS Pt
1. Ingeland 3 2 1 0 9 2 +7 7
2. VS 3 1 2 0 2 1 +1 5
3. Iran 3 1 0 2 4 7 -3 3
4. Wales 3 0 1 2 1 6 -5 1
21 november, 14.00
Ingeland 6 – 2 Iran
Ar-Rajjaan, Chalifa Internationaol Stadion
Sjeidsrechter: Raphael Claus
Gole


21 november, 20.00
Vereinegde Staote 1 – 1 Wales
Ar-Rajjaan, Ahmed bin Alistadion
Sjeidsrechter: Abdoelrahman al-Dzjassim
25 november, 11.00
Wales 0 – 2 Iran
Ar-Rajjaan, Ahmed bin Alistadion
Sjeidsrechter: Mario Escobar
Gole


25 november, 20.00
Ingeland 0 – 0 Vereinegde Staote
Al-Chor, al-Baytstadion
Sjeidsrechter: Jesús Valenzuela
29 november, 20.00
Wales 0 – 3 Ingeland
Ar-Rajjaan, Ahmed bin Alistadion
Sjeidsrechter: Slavko Vinčić
Gole


29 november, 20.00
Iran 0 – 1 Vereinegde Staote
Doha, ath-Thoemamastadion
Sjeidsrechter: Antonio Mateu Lahoz
Gole

Poule C[bewirk | brón bewèrke]

Pos. Team Sp W G V GV GT DS Pt
1. Argentinië 3 2 0 1 5 2 +3 6
2. Pole 3 1 1 1 2 2 0 4
3. Mexico 3 1 1 1 2 3 -1 4
4. Saoedi-Arabië 3 1 0 2 3 5 -2 3
22 november, 11.00
Argentinië 1 – 2 Saoedi-Arabië
Lusail Nationaol Lusailstadion
Sjeidsrechter: Slavko Vinčić
Gole


22 november, 17.00
Mexico 0 – 0 Pole
Doha, Stadion 974
Sjeidsrechter: Chris Beath
26 november, 14.00
Pole 2 – 0 Saoedi-Arabië
Ar-Rajjaan, Oonderwiesstadstadion
Sjeidsrechter: Wilton Pereira Sampaio
Gole


26 november, 20.00
Argentinië 2 – 0 Mexico
Lusail, Nationaol Lusailstadion
Sjeidsrechter: Daniele Orsato
Gole
30 november, 20.00
Pole 0 – 2 Argentinië
Doha, Stadion 974
Sjeidsrechter: Danny Makkelie
Gole


30 november, 20.00
Saoedi-Arabië 1 – 2 Mexico
Lusail, Nationaol Lusailstadion
Sjeidsrechter: Michael Oliver
Gole

Poule D[bewirk | brón bewèrke]

Pos. Team Sp W G V GV GT DS Pt
1. Fraankriek 3 2 0 1 6 3 +3 6
2. Australië 3 2 0 1 3 4 -1 6
3. Tunesië 3 1 1 1 1 1 0 4
4. Denemarke 3 0 1 2 1 3 -2 1
22 november, 14.00
Denemarke 0 – 0 Tunesië
Ar-Rajjaan, Oonderwiesstadstadion
Sjeidsrechter: César Ramos


22 november, 20.00
Fraankriek 4 – 1 Australië
Al-Wakrah, al-Dzjanoebstadion
Sjeidsrechter: Victor Gomes
Gole
26 november, 11.00
Tunesië 0 – 1 Australië
Al-Wakrah, al-Dzjanoebstadion
Sjeidsrechter: Daniel Siebert
Gole


26 november, 17.00
Fraankriek 2 – 1 Denemarke
Doha, Stadion 974
Sjeidsrechter: Szymon Marciniak
Gole
30 november, 16.00
Australië 1 – 0 Denemarke
Al-Wakrah, al-Dzjanoebstadion
Sjeidsrechter: Mustapha Ghorbal
Gole


30 november, 16.00
Tunesië 1 – 0 Fraankriek
Ar-Rajjaan, Oonderwiesstadstadion
Sjeidsrechter: Matt Conger
Gole

Poule E[bewirk | brón bewèrke]

Pos. Team Sp W G V GV GT DS Pt
1. Japan 3 2 0 1 4 3 +1 6
2. Spaanje 3 1 1 1 9 3 +6 4
3. Duitsland 3 1 1 1 6 5 +1 4
4. Costa Rica 3 1 0 2 3 11 -8 3
23 november, 14.00
Duitsland 1 – 2 Japan
Ar-Rajjaan, Internationaol Chalifastadion
Sjeidsrechter: Iván Barton
Gole


23 november, 17.00
Spaanje 7 – 0 Costa Rica
Doha ath-Thoemamastadion
Sjeidsrechter: Mohammed Abdoella Hassan Mohamed
Gole
27 november, 11.00
Japan 0 – 1 Costa Rica
Ar-Rajjaan, Ahmed bin Alistadion
Sjeidsrechter: Michael Oliver
Gole


27 november, 20.00
Spaanje 1 – 1 Duitsland
Al-Chor, al-Baytstadion
Sjeidsrechter: Danny Makkelie
Gole
1 december, 20.00
Japan 2 – 1 Spaanje
Ar-Rajjaan, Internationaol Chalifastadion
Sjeidsrechter: Victor Gomes
Gole


1 december, 20.00
Costa Rica 2 – 4 Duitsland
Al-Chor, al-Baytstadion
Sjeidsrechter: Stéphanie Frappart
Gole

Poule F[bewirk | brón bewèrke]

Pos. Team Sp W G V GV GT DS Pt
1. Marokko 3 2 1 0 4 1 +3 7
2. Kroatië 3 1 2 0 4 1 +3 5
3. Belsj 3 1 1 1 1 2 -1 4
4. Canada 3 0 0 3 2 7 -5 0
23 november, 11.00
Marokko 0 – 0 Kroatië
Al-Chor, al-Baytstadion
Sjeidsrechter: Fernando Rapallini


23 november, 20.00
Belsj 1 – 0 Canada
Ar-Rajjaan, Ahmed bin Alistadion
Sjeidsrechter: Janny Sikazwe
Gole
27 november, 14.00
Belsj 0 – 2 Marokko
Doha, ath-Thoemamastadion
Sjeidsrechter: César Ramos
Gole


27 november, 17.00
Kroatië 4 – 1 Canada
Ar-Rajjaan, Nationaol Chalifastadion
Sjeidsrechter: Andres Matonte
Gole
1 december, 16.00
Kroatië 0 – 0 Belsj
Ar-Rajjaan, Ahmed bin Alistadion
Sjeidsrechter: Anthony Taylor


1 december, 16.00
Canada 1 – 2 Marokko
Doha, ath-Thoemamastadion
Sjeidsrechter: Raphael Claus
Gole

Poule G[bewirk | brón bewèrke]

Pos. Team Sp W G V GV GT DS Pt
1. Brazilië 3 2 0 1 3 1 +2 6
2. Zwitserland 3 2 0 1 4 3 +1 6
3. Kameroen 3 1 1 1 4 4 0 4
4. Servië 3 0 1 2 5 8 -3 1
24 november, 11.00
Zwitserland 1 – 0 Kameroen
Al-Wakrah, al-Dzjanoebstadion
Sjeidsrechter: Facundo Tello
Gole


24 november, 20.00
Brazilië 2 – 0 Servië
Lusail, Nationaol Lusailstadion
Sjeidsrechter: Alireza Faghani
28 november, 11.00
Kameroen 3 – 3 Servië
Al-Wakrah, al-Dzjanoebstadion
Sjeidsrechter: Mohammed Abdulla Hassan Mohamed
Gole


28 november, 17.00
Brazilië 1 – 0 Zwitserland
Doha, Stadion 974
Sjeidsrechter: Iván Barton
Gole
2 december, 20.00
Servië 2 – 3 Zwitserland
Doha, Stadion 974
Sjeidsrechter: Fernando Rapallini
Gole


2 december, 20.00
Kameroen 1 – 0 Brazilië
Lusail, Nationaol Lusailstadion
Sjeidsrechter: Ismail Eifath
Gole

Poule H[bewirk | brón bewèrke]

Pos. Team Sp W G V GV GT DS Pt
1. Portugal 3 2 0 1 6 4 +2 6
2. Zuid-Korea 3 1 1 1 4 4 0 4
3. Uruguay 3 1 1 1 2 2 0 4
4. Ghana 3 1 0 2 5 7 -2 3
24 november, 14.00
Uruguay 0 – 0 Zuid-Korea
Ar-Rajjaan, Oonderwiesstadstadion
Sjeidsrechter: Clément Turpin


24 november, 17.00
Portugal 3 – 2 Ghana
Doha, Stadion 974
Sjeidsrechter: Ismail Elfath
Gole
28 november, 14.00
Zuid-Korea 2 – 3 Ghana
Ar-Rajjaan, Oonderwiesstadstadion
Sjeidsrechter: Anthony Taylor
Gole


28 november, 20.00
Portugal 2 – 0 Uruguay
Lusail, Nationaol Lusailstadion
Sjeidsrechter: Alireza Faghani
Gole
2 december, 16.00
Ghana 0 – 2 Uruguay
Al-Wakrah, al-Dzjanoebstadion
Sjeidsrechter: Daniel Siebert
Gole


2 december, 16.00
Zuid-Korea 2 – 1 Portugal
Ar-Rajjaan, Oonderwiesstadstadion
Sjeidsrechter: Facundo Tello
Gole

Knouck-outfaas[bewirk | brón bewèrke]

 
Achste finaolesKwartfinaolesHaaf finaolesFinaol
 
              
 
3 december – ar-Rayyan (Chalifah)
 
 
Nederland3
 
9 december – Lusail
 
Vereinegde Staote1
 
Nederland2 (3)
 
3 december – ar-Rayyan (Ahmad bin Ali)
 
Argentinië2 (4)
 
Argentinië2
 
13 december – Lusail
 
Australië1
 
Kroatië0
 
5 december – al-Wakrah
 
Argentinië3
 
Japan1 (1)
 
9 december – ar-Rayyan (Oonderwies)
 
Kroatië1 (3)
 
Kroatië1 (4)
 
5 december – Doha (974)
 
Brazilië1 (2)
 
Brazilië4
 
18 december – Lusail
 
Zuid-Korea1
 
Argentinië3 (4)
 
4 december – al-Chor
 
Fraankriek3 (2)
 
Ingeland3
 
10 december – al-Chor
 
Senegal0
 
Fraankriek2
 
4 december – Doha (ath-Thumama)
 
Ingeland1
 
Fraankriek3
 
14 december – al-Chor
 
Pole1
 
Marokko0
 
6 december – Ar-Rayyan (Oonderwies)
 
Fraankriek2 Verleerdersfinaol
 
Marokko0 (3)
 
10 december – Doha (ath-Thumama)17 december – ar-Rayyan (Chalifa)
 
Spaanje0 (0)
 
Marokko1Kroatië2
 
6 december – Lusail
 
Portugal0 Marokko1
 
Portugal6
 
 
Zwitserland1
 

Achste finaoles[bewirk | brón bewèrke]

3 december, 16.00
Nederland 3 – 1 Vereinegde Staote
Ar-Rajjaan, Internationaol Chalifastadion
Sjeidsrechter: Wilton Sampaio
Gole


3 december, 20.00
Argentinië 2 – 1 Australië
Ar-Rajjaan, Ahmad bin Alistadion
Sjeidsrechter: Szymon Marciniak
Gole


4 december, 16.00
Fraankriek 3 – 1 Pole
Doha, ath-Thoemamastadion
Sjeidsrechter: Jesús Valenzuala
Gole


4 december, 20.00
Ingeland 3 – 0 Senegal
Al-Chor al-Baytstadion
Sjeidsrechter: Iván Barton
Gole


5 december, 16.00
Japan 0 – 0 Kroatië
Ar-Wakrah, al-Dzjanoebstadion
Sjeidsrechter: Ismail Elfath
Gole
Penanties
Japan
Kroatië


5 december, 20.00
Brazilië 4 – 1 Zuid-Korea
Doha, Stadion 974
Sjeidsrechter: Clément Turpin
Gole


6 december, 16.00
Marokko 0 – 0 Spaanje
Ar-Rajjaan, Oonderwiesstadstadion
Sjeidsrechter: Fernando Rapallini
Penanties
Marokko
Spaanje


6 december, 20.00
Portugal 6 – 1 Zwitserland
Lusail, Nationaol Lusailstadion
Sjeidsrechter: César Ramos
Gole

Kwartfinaoles[bewirk | brón bewèrke]

9 december, 16.00
Kroatië 1 – 1 (0 – 0) Brazilië
Ar-Rajjaan, Oonderwiesstadstadion
Sjeidsrechter: Michael Oliver
Gole
Penanties
Kroatië
Brazilië


9 december, 20.00
Nederland 2 – 2 Argentinië
Lusail, Nationaol Lusailstadion
Sjeidsrechter: Antonio Mateu Lahoz
Gole
Penanties
Nederland
Argentinië
10 december, 16.00
Marokko 1 – 0 Portugal
Doha, ath-Thoemamastadion
Sjeidsrechter: Facundo Tello
Gole


10 december, 20.00
Fraankriek 2 – 1 Ingeland
Al-Chor, al-Baytstadion
Sjeidsrechter: Wilton Sampaio
Gole

Haaf finaoles[bewirk | brón bewèrke]

13 december, 20.00
Kroatië 0 – 3 Argentinië
Lusail, Nationaol Lusailstadion
Sjeidsrechter: Daniele Orsato
Gole


14 december, 20.00
Marokko 0 – 2 Fraankriek
Al-Chor, al-Baytstadion
Sjeidsrechter: César Ramos
Gole

Verleerdersfinaol[bewirk | brón bewèrke]

17 december, 16.00
Kroatië 2 – 1 Marokko
Ar-Rajjaan, Internationaol Chalifastadion
Sjeidsrechter: Abdulrahman al-Jassim
Gole

Finaol[bewirk | brón bewèrke]

18 december, 16.00
Argentinië 3 (4) – 3 (2) Fraankriek
Lusail, Nationaol Lusailstadion
Sjeidsrechter: Szymon Marciniak
Gole
Penanties
Fraankriek
Argentinië

Rifferenties[bewirk | brón bewèrke]

  1. ↑ The Guardian - Revealed: 6,500 migrant workers have died in Qatar since World Cup awarded
  2. ↑ Nu.nl - Weer WK-schandaal: Qatar zet duizenden arbeiders uit huizen voor voetbalfans
  3. ↑ 1Limburg - Bedrijf schrikt van Qatar: geen Limburgs gras op WK
  4. ↑ Nu.nl - Ambassadeur De Boer: 'WK is juist een katalysator voor verandering in Qatar'
  5. ↑ Nu.nl - Columns - Last-minute principes
  6. ↑ Human Rights Watch - Qatar: Security Forces Arrest, Abuse LGBT People
  7. ↑ AD - KNVB legt uitspraken Van Gaal uit aan voetbalbobo’s van Qatar na pittige kritiek Louis van Gaal
  8. ↑ Nu.nl - Qatar doet coronatrackingapp Ehteraz kort voor WK grotendeels in de ban
  9. ↑ Nu.nl - Kabinet stuurt afvaardiging naar WK voetbal in Qatar, tegen wens van de Kamer
  10. ↑ AD - Infantino: Mogelijk ook 48 landen op WK 2022
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wereldkampioensjap_hierevoetbal_2022&oldid=464135"