Confederations Cup

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Alle len die deil höbbe genome aon de Confederations Cup, mèt hun bèste prestatie.

De FIFA Confederations Cup waor e voetbaltoernooj wat miestens um de veer jaor, in juni/juli ei jaor veur 't WK voetbal, door de FIFA woort georganiseerd in 't land boe dat WK zouw goon plaotsvinde. Deilnummers waore de kampioene vaan alle zès de continentaol voetbalfederaties (d'n UEFA veur Europa, de AFC veur Azië, de CAF veur Afrika, de CONCACAF veur Noord-Amerika, de CONMEBOL veur Zuid-Amerika en de OCF veur Oceanië; vaandao de naom), plus de regerende wereldkampioen en 't gasland. Wienie de lèste twie mètein en/of mèt ein vaan de continentaol kampioene samevele, kaome de verlerend finaliste in aonmerking. 't Toernooj deende boete commercieel en sportief doele zeker ouch es tes veur 't aonkoumend Wereldkampioensjap, um eventueel praktische probleme mèt de stadions of aander zakes mer op tied te kinne oontdèkke.

De Confederations Cup kaom voort oet de Keuning Fahd-beker, in 1992 door keuning Fahd vaan Saoedi-Arabië georganiseerd. De naom Confederations Cup woort in 1997 veur 't iers gebruuk. Mèt de editie vaan 2001, wie Japan en Zuid-Korea gaslen waore, woort veur 't iers d'n opzat vaan veurbereiingstoernooj op eige bojem. Nao 2005 deeg me dat neet aanders mie. D'n huiege kampioen is Brazilië, wat in 2013 in eige land de veerden titel pakde. Dit land is mèt veer titels ouch recordhawwer.

Veur 't WK vaan 2022, te hawwe in Qatar, besloot me gein Confederations Cup te organisere. Dit heel verband mèt e groet aontal praktische probleme. Oetindelek woort beslote 't toernooj definitief te stoppe. In ziene plaots kump vaanaof 2021 't Wereldkampioensjap hierevoetbal veur clubteams.[1]

Edities[bewirk | brón bewèrke]

N.B.: De ierste twie edities stoonte bekind es de 'Keuning Fahd-beker.'

Jaor Land Kampioen
1992 Saoedi-Arabië Argentinië
1995 Saoedi-Arabië Denemarke
1997 Saoedi-Arabië Brazilië
1999 Mexico Mexico
2001 Japan/Zuid-Korea Fraankriek
2003 Fraankriek Fraankriek
2005 Duitsland Brazilië
2009 Zuid-Afrika Brazilië
2013 Brazilië Brazilië
2017 Rusland Duitsland

Rifferenties[bewirk | brón bewèrke]

  1. Nu.nl - FIFA akkoord met uitbreiding WK voor clubs en VAR bij WK voor vrouwen
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Confederations_Cup&oldid=432639"