Sjilberg

Dit artikel is gesjreve (of begós) in 't Voeres. Laes hie wie v'r mit de versjillende saorte Limburgs ómgaon.

---

Neet te verwarre mit Sjaelberg bie Ech.

---

Vakwerkhaof in 't Norbiks deil van Sjilberg mèt waegkruts en grenspaol

Sjilberg, lokaal: Op-'e Sjilbrig (Nederlands: Schilberg; Boileau: ) is 'n buurtsjap van Norbik in de gemeinte Èèsjde-Mergraote en 'n buurtsjap van Sjlennich in de gemeinte Gulpe-Wittem. Alletwieë de gemeintes ligke in Nederlands Limburg. Sjilberg is och 'n buurtsjap van De Plaank (Sint-Martens-Voere) in de gemeinte Voere in Belsj Limburg op 't Belsj. De häöf en hoezer ligke in lintbeboewing langs de ouwe waeg Schilberg van Mestreech nao Verviers en rónd de krusing mèt de waeg van Sint-Martens-Voere nao Sjlennich.

De grens tusje de twieë Nederlandse gemeintes en mèt Belsj lupt d'r deurheen. 'n Daartig jaor truuk gonge de keender of nao Norbik of nao Sjlennich of nao de Plaank nao de lieëger sjoeël. In 2003 liegke d'r ca. 35 häöf en hoezer.

In de buurt van Ech lik ouch 'n buurtsjap Sjaelberg (Nederlands: Schilberg).

Etymologie

Ouwer name van Sjilberg zunt in de 14e ieëw Bitseelberg, Butseilbergh en in de 17e ièw Beseelsbergh. Op 'n kaat oet 1870 sjteet tösje Ge Kruuts en Sjilberg nog 'ne naam: Beschilberg. Dit gedelte huët noe bie Sjilberg. De naamvorming ès gewest: Op Besjilbrig > Op-'e Sjilbrig. (Dao zaet me neet Op ge Sjilbrig en zieëker neet Op g'ne Sjilbrig).

D'r Boileau verklaort "Sjilbrig" es: d'r baerg bie 't baechske (beekje). Mae wat vör e baechske da? Leep doe nog e waeterke dör de dipde jüs ten westen van de buurtsjap? Of dör de dipde va Paomewiejje?

Taal

Sjilberg en Ùlvend zunt klèng buurtsjappe. Op de boeredinger wissele de pechter dèk, en e-zeu kaome dèk luuj mit ander tale binne. Tòch hant ze 'n ège taal. Vör de twèèj buurtsjappe gilt dat die taal neet gaans de ègeste es die van Noërberg. En hie ès al 't ùsjte versjeel: Die va-n Noërberg zage Norbik. - En in os twèèj buurtsjappe huuët me noeëts verkòjt vör verkaoët. 't Lùpt dùs 'n taalgrens tùssje Sjilberg / Ùlvend en Noërberg

't Bezieë waeëd

Annakapel aan de kèrkdel kortbie Sjlennich

• Kapel gewiejd an Sint Jozef. 't Gebuuwke ès opgetròkke oet kundersjtèè en haat 'n töensje. 't Sjtèèt op d'r hook van d'r Sjilbergerwaeg en d'r Mastrichterwaeg. In 1946 ès 't dör de naobere opgericht oet dankbaarheid vör 't gesjpaard blieve in d'r Twidde waeldkreeg. In 2000 haat 'n restauratie plaatsj voonde. Op de plek sjtèèt och 'n waterpöt en 'n waegkruts.
• Kort bie Sjlennich an d'r Kèrkdel lik 'n veldbrandsjteine kapel gewiejd aan de heilige Anna. Ze is in 2006 gerestaurierd.

Referenties

• Boileau Armand 1961 Plaatsnamen te St- Martens Voeren, in: Heem 5, 5-6, online: Users.skynet.be - PLAATSNAMEN TE SINT- MARTENS- VOEREN;
• Boileau Armand 1971 Enquête dialectale sur la toponymie germano-romane du Nord-Est de la province de Liège - Analyse lexicologique et grammaticale comparative;
• Mertens, J. 1993 De verpachting van het paanhuis (1386), de toelating tot een volmolen (1388) en twee 15de-eeuwse kerkregisters van Sint-Pieters-Voeren - tekstuitgave. In: Het oude Land van Loon 48 p. 189-219;
• Nyssen J. 1961 Sint-Martens Voeren - Plaatsnamen - kaart 5 - Het Plankerveld, in: Heem 5, 2-3.