Höfke

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Ieëpesj, es te dit dialek sjpriks.

---

Modergaods in de holle waeg in Höfke

Höfke (Nederlands: Höfke) ies 'n buurtsjap van Mechele in de gemeinte Gulpe-Wittem in 't heuvelland van Zuud-Limburg. De nederzètting ies gelege aan de gelieknamige waeg Höfke, aan de reveer de Geul. 't Buurtsje, mèt in 2002 15 inweunersj, weurt aangegeve mèt 'n blauw plaatsnaambördsje tegeneuver 'n groat Mariabeeld.

Bezeenswaerdig

• Höfke haet de sjtatus van Besjermp dörpsgeziech vanwege 'ne groep häöf en hoezer in vakwerk oet de 18e ièw. Ein van de boerderieje ies eigendóm van Natuurmonumente.
• Natuurgebeed 't Höfke, mèt hellinge en kalkweie.
• De bovenste meule, 'n watermeule op de Geul. Rónd 't jaor 1350 weurt 't complex al geneump. Tot in de 18e ièw functioneert 't es dwang- of banmeule van de hière van Wittem. Rónd 1800 besjteit de meule oet twiè koremeules, woavan ein in 1828 weurt umgeboewd tot papiermeule. In 1979 weurt Natuurmonumente eigenaer. Aan de reveer de Geul bevingk ziech ouch nog 'n Óndersjte meule in de buurtsjap Euvergäöl (Overgeul)..
• 'n Monumentsje mèt 'n modergaods, denende es 'n soort kapelke.