Öäverem

Dit artikel is gesjreve (of begós) in 't Gulpesj. Laes hie wie v'r mit de versjillende saorte Limburgs ómgaon.

---

De plaatselike carnavalsvereiniging "de Dweschdrievers" op plaquette tege de cafégevel

Öäverem (Nederlands Euverem) is 'n buurtsjap van Gulpe in de gemeinte Gulpe-Wittem. De ca 30 hoezer ligke rónd de gelieknamige waeg Euverem richting Peëzeke (Pesaken). 'n Vreuger sjriefwies is: Euvenheim. De naam wies nao Middelieëwse bewoning, get hoeëger gelaege.

Bezeenswaerdig

De veurmalige Forellekwekerie lik mit vieversj aan de Gulp. De forel is 'ne vösj, dae laef in sjnelsjtruimende baeke. De Gulp óntsjprinkt bie Hombourg in Belsj en is 'n ziebaek van de Geul. Aan de Gulp sjtaet kasjtieël Neubourg mit zien biegeboewe. Róntenum ligke hellinge mit grave, de Osebösj en haol waeg. Op 'n sjplitsing sjteit 'n iezere waegkruts mit crucifix.

Vereiniginge

• Carnavalsvereiniging De Dweschdrievers oet 1979.