Plaat (Ieëpe)

Van Wikipedia

Dit artikel is gesjreve (of begós) in 't Ieëpesj. Laes hie wie v'r mit de versjillende saorte Limburgs ómgaon.


Dörphaof in de Plaat
Binneplei van Dörphaof

Plaat is e gehucht van Ieëpe in 't heuvelland van Zuid-Limburg in de gemingte Gulpe-Wittem. In de Plaat lient 10 hoezer.

Bezeenswaerdig[bewirk | brón bewèrke]

  • Vakwerkhäöf en -hoezer.
  • Dörphaof, gelaege an d'r waeg nao Terziet en an d'r holle waeg mit de naam Dorphof richting de Óndersjte bösj is 'n groete carréboerderi-j, opgetrokke in vakwerk. De plint van 't geboew besjteet oet breuksjtee. 'n Gedeelte van de besjtraoting van de binneplaatsj, van Ieëpener kiezel, zou 'n restant zieë van ing in 1289 vermelde börch.
  • Get lièger aaf, an de Geul, op Plaatwaeg nr 1, drieënt 'n watermeule oet de 18 eeuw. Vreuger waod de meule gebroekt vur 't volle van lienzaod en 't vilte van wölle sjtof. Dao-aan hat ze de naam volmeule te danke. In 1872 is de meule umgebowd tot kaonmeule. In de jaore 70 van de 20e eeuw volgde 'n restauratie nao 'ne brand. Tot 1994 functioneerde ze vur 't Gilde van Echte Bekkersj. Op dit moment, alling op zaoterdig, wet der vieëvoor in geproduceerd. Dat gebeuët nog ummer op waterkracht.
  • 'n Moerkapel mit crucifix in 'ne haof op der dri-jsjpronk taege uvver Dörphaof.
 
Gemeinte Gulpe-Wittem
Dörper: Ees · Gulpe · Ieëpe · Mechele · Nieswiller · Partei · Rimmesjtók · Sjlennich · Wielder · Wilder · Wittem
Buurtsjappe en gehuchte: Aoverees · Berghäöf · Berghem · Betsehaove · Billinghoeze · Bisse · Böätenake · Bómmerig · Brook · Dal · De Hut · Dringsele · Eëtenake · Elkerao · Elzet · Euvergäöl · Ezerhei · Heieret · Helle · Hilleshage · Höfke · Hurpesj · De Ieëperhei · Ingber · Kapolder · Kertiels · Kleeberg · Kling-Kulle · Kling-Kuttinge · Kosberg · Krapoel · Kuttinge · Landserao · Öäverem · Peëzeke · D'r Piepert · Plaat · Sinselbaach · Sjilberg · Sjweeberig · Sjtókkem · Tippelder · Terpaote · Terziet · Waterop
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Plaat_(Ieëpe)&oldid=339502"