Terlinne

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Norbiks, es te dit dialek sjpriks.

Waegwiezer aan de Voerewaeg nao Bergenhoeze, Rimmesjtók, Ge Kruuts en Tebannet. Op de hook rechs: 'n vakwerkhoes anno 2007

Terlinne (Nederlands: Terlinden) ies 'n buurtsjap van Norbik in de gemeinte Èèsjde-Mergraote in 't heuvelland van Zuud-Limburg. 'n Paar hoezer huère bie de gemeinte Gulpe-Wittem. De naam kump van ter ling, dat beteikent bie de lindeboum. 45 häöf en hoezer liegke langs de weeg Mestreech - Vols en De Plank aan de Belzje grens.

Bezeenswaerdig[bewirk | brón bewèrke]

  • 'n Modern baekapel, die op de plaats sjteit van 'n ouwer gebuujke, ies gewiejd aan Maria. De buurt baejt hie bie 'n sjterfgeval same de roazekrans. In de maond mei weurt hie edere zaoterdig de Heilige Mès opgedrage.
  • De kèrmes in Terlinne vingk plaats in 'n weekend begin augustus. Dao sjtoon 'n paar kèrmesattracties. In 'n fièstent treffe ziech inweunersj en väöl bezeukersj veur de Terlinne-aovend mèt diverse artieste. Van de opbrings geit de ganse buurt 'ne daag op sjtap en weurt de Mariakapel ónderhoute. Sjmaondegs ies 't traditioneel "paol-hawwe" en um twelf oer saoves weurt "d'r knaok begrave" en 't fiès aafgesjlote.
  • De carrévörmige Terlingerhaof dateert oet 1852 en ies geboewd van baksjtein. Allewiel zint d'r vakantieweuninge in gevestigd.
  • Vakwerkhäöf en -hoezer

Vereiniging[bewirk | brón bewèrke]

In de buurt van Brómmele (Wienesrao) bevingk ziech ouch 'ne carrévörmige, mergele haof Terlinge.

Zuuch ouch[bewirk | brón bewèrke]

 
Gemeinte Èèsjde-Mergraote
Vaan van Èèsjde-Mergraote
Dörper: Bieëmele · Ikkelder · Èèsjde · Groêselt · Keer · Mergraote · Maer · Misj · Norbik · Oêsj-Moarend · Riêkelt · Sjuuëlder · Se-Gietere · Tebannet
Buurtsjappe en gehuchte: Berg · Bergenhoëze · Breusj · Bruusjterbusj · Gastes · Ge Kruuts · Groeët-Welsde · Herkenter · Hoeg-Kâsjtert · Hoontem · Klae-Welsde · Liebik · Lieg-Kâsjtert · 't Mariadörp (De Klonie) · Moarend · Moersjelt · Oêsj · 't Poelveld · 't Roeët · Sjei · Sjilberg · Sint Antoniusbank · Terhoorsj · Terlinne · Termaar · Ulvend · Vroële · De Wesj · 't Withoês · 't Wolfses
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Terlinne&oldid=422696"