Bruusjterbusj

Van Wikipedia
Gank nao: navigatie, zeuke
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Se-Gietersj, as te dit dialek sjpriks.

Tuinpilere van de Roosenhof

Bruusjterbusj (Nederlands: Bruisterbosch) ies 'n buurtsjap van Se-Gietere (Sint Geertruid) in de gemeinte Èèsjde-Mergraote op 't plateau in Zuud Limburg. De beteikenis van de naam ies "bösj van Breusj" en verwies nao de sjtiechting van Bruusjterbusj vanoet Breusj bie Èèsjde (Eijsden). In 't gehuch liegke 25 häöf en hoezer.

Gesjiedenis[bewirk | brón bewèrke]

In de archieve besjteit 'n oarkónde oet 1157, woa-in zeve inweunersj van Breusj, mèt naam geneump, toesjtumming kriege van de hièr van 't kapittel van Sint Maarten (Martinus) in Luuk um op 't plateau 'n nederzètting te sjtiechte. Ze neume 't dörpke nao hun geboorteplaats Breusj.

Bezeenswaerdig[bewirk | brón bewèrke]

  • De Roosenhof ies 'n carrévörmige boerderie mèt hièrehoes oet de 18e ièw, geboewd door de Mestreechse familie De La Hault. Via vererving kaom 't good in heng van families Roosen, familie Kerens en Marchant et d'Ansembourg. Aan de euverkant van de poort bevinge ziech 2 monumentaal tuinpilere mèt 'n iezere breer.
  • Op ein sjplietsing van waeg sjteit 'n kapel gewiejd aan Maria op de plaats woa veur 1948 'n pöthuuske haet gesjtange.
  • Diverse ouw häöf oet de 19e ièw.
  • In de buurt liek 'n terrein mèt de naam De Galling. Hie haet in de 18e ièw 'n galg gesjtange, woa-aan twiè bokkeriejersj zint opgehange op 6 november 1776.
  • In de umgeving weie, hoagsjtam fruitbuim, haol waeg en grave.
 
Gemeinte Èèsjde-Mergraote
Dörper: Bieëmele | Ikkelder | Èèsjde | Groêselt | Keer | Mergraote | Maer | Misj | Norbik | Oêsj-Moarend | Riêkelt | Sjuuëlder | Se-Gietere | Tebannet
Buurtsjappe en gehuchte: Berg | Bergenhoëze | Breusj | Bruusjterbusj | Gastes | Ge Kruuts | Groeët-Welsde | Herkenter | Hoontem | Klae-Welsde | Liebik | 't Mariadörp (De Klonie) | Moarend | Moersjelt | Oêsj | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wiethoês | 't Wolfses
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bruusjterbusj&oldid=339100"