Anna

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Heilige Anna, Maria en Jezus door Albrecht Dürer

Anna ies in 't katholiek gelouf de mam van Maria. Joachim ies häöre man. In 't aprocrief proto-evangelie van Jacobus weurt zie besjreve. Anna waor 'n veurbeeldige echgenote, mam en oma. Bie de Anna-te Drieë-veursjtèlling weure de Madonna mèt kind en de H.Anna same oetgebeeld. In Nederland, Belsj, Duutsjland, Zjwede en Frankriek greujde de Anna-verièring oet tot 'n woar modercultus. De fièsdaag van Anna ies op 26 juli.

Nao de doad van Joachim trouwde Anna nog 2 kièr resp. mèt Klopas en mèt Salomas. Oet eder huwelek woort 'n dochter gebore die ouch de naam Maria kreeg mèt de achternaam van de vader.

Maria Salomas trouwde mèt Zebedeüs en oet hun huwelek woorte de latere apostele Jacobus de Meerdere en Johannes (evangelis) gebore.

Oet 't huwelek van Maria Klopas mèt Alfeus woorte 4 kinger gebore: Jacobus de Mindere, Simon de Zeloot, Judas Thaddeüs en Josephus Justus. Jacobus de Mindere woort later ouch eine van de 12 apostele van Jezus.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Anna&oldid=343773"