Obsinnich
- Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Oos-Voeres, es te dit dialek sjpriks.
Obsinnich is 'n klèè buurtsjap va Rimmersjdel en liegkt tösje d'r dörpskern en Teuve in 't dal van de Gulp. 't Is ooch d'r historische naam van 't kesjtieël dat dao liegkt. D'r naam is verboonde mèt d'r naam Sinnich, 'n buurtsjap va Teuve op nog gèng 500 meter aafsjtaand.
Daniël de Rode, 'ne Scavendriesch in d'r Limburgse successiekrèèg en d'r sjlaag bie Woeringe, waor 'ne ridder va Obsinnig. Jan van Heelu sjrieft uvver die Rode van Sinke in z'n riemkroniek vör d'r Brabantse winner van dae krèèg, Hertog Jan I. Sinke is 'ne aowe naam vör Sinnich en ooch Obsinnich, en de Rode is 'ne herkomstnaam of 'ne bienaam. D'r naam de Rode, get later de de Roide verendert oeteindelek in de Rhoe of Rohe.
Bronne
[bewirk | brón bewèrke]- Albert Stassen, Le Château d'Obsinnich-Rémersdael, 2002
- J.Goossens (ed), Woeringen en de oriëntatie van het Maasland, Hasselt 1988
| |
|---|---|
| Deilgemeintes en dörper: De Plaank · Moelinge · S'n Maeëte · S'n Pieëter · Täöve · Rimmersjdel · Voere | |
| Gehuchte en buurtsjappe: A g'n Eke · Baerg · Brook · De Daal · Dreenk · de Hèj · Katterot · Kètte · Knap · D'r Krindel · Kweente · Maazsjes · Magne Bois · Nurep · Obsinnich · Paerds · Pensool · Roeje Bösj · Rule · Sjilberg · Sjoppemer Hèj · Sjoppem · Ulvend · Vaoësj · Vaoërzjervaeld · Vitsje · Sinnich · Zjwaan | |