Brook (Voere)

Van Wikipedia
Gank nao: navigatie, zeuke
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Voeres, as te dit dialek sjpriks.

Brook is 'n buurtsjap van Voere en liegkt tussje Vitsje, Norbik en de Joonkfer richting Sjoppemer Hèj.

De cultuur[bewirk | brontekst bewerken]

't Waoërd brook betekent drassige groond. Richting Norbik, op Hollendsj groondgebied, liegkt d'r Baeëndel ofwaal de Noorbeemden, 'n besjermd natuurgebied.

Brook of Altenbrouck waor vreuger de residentie van de Hieëre va Brook. An 't begin van d'r Örsjte Waeltkreeg sjraef de gaanse familie zich in op 't adres van d'r pesjtoeër va Norbik en de Duutsjers lache d'r Elektrische Draod tussje Brook en Voere. Nog twieë aander adeleke domeine, n.l. Sinnich in Teuve en Beusdael in Sippenake, bleve op die meneer um te zigke boete d'r kreeg.

Lang is d'r waeg via Brook d'r kortste waeg va Norbik nao Voere gewes. Noe, wie dae waeg priveeterrein is waoëre, reest me via de Sjtadshaag. Brook besjtèèt oet ènnige boerebedrieve en 'n laandhoes. In d'r busj taege-n-uvver 't laandhoes liegkt in d'r berg 't Huuske va Waterloo, 'n theehuuske oet d'r tied dat Hieëre dao nog wonde.

Sjäöp en wagyu's[bewirk | brontekst bewerken]

In d'r 19de ieëw heel d'r hieër va Brook Merinosjäöp, väör de wól, die e oet Australië importeerde. Allewiel werre d'r Suffolksjäöp en Wagyu's gehouwe vör 't sjtressvrie vleesj.

De natuur[bewirk | brontekst bewerken]

De Noor sjtreumt dör dit buurtsjap en ènnige groeëte vievere sjteunt mèt de baeëk in verbinding. Ooch hat 't hie 'n klèng mergelkoel oeë kleunkskes laeve. Tiendens d'r jaorlekse paddetrèk - op raeëgenechtige daag in 't väörjaor, taege d'r aovend es 't zoe'n 9°C is - wieëmelt 't hie van de kroddele, die hun èjkes in de vievere geunt aafzètte. In de sjtadshaag löpt d'r nuje waeg naeve d'r owwe dae gaans deep is oetgesjnaeje. In dae owwe waeg zeunt väöl bewonde dasseburchte te vinge.

 
Gemeinte Voere
Deilgemeintes en dörper: De Plaank | Moelinge | S'n Maeëte | S'n Pieëter | Täöve | Rimmersjdel | Voere
Gehuchte en buurtsjappe: A g'n Eke | Baerg | Brook | Dal | Dreenk | de Hèj | Katterot | Kètte | Knap | D'r Krindel | Kweente | Maazsjes | Magne Bois | Nurep | Obsinnich | Paerds | Pensool | Roeje Bösj | Rule | Sjilberg | Sjoppemer Hèj | Sjoppem | Ulvend | Vaoësj | Vaoërzjervaeld | Vitsje | Sinnich | Zjwaan
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Brook_(Voere)&oldid=158193"