Platbook

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

---

'n Platbook ies 'n beukske dat, in 2008 es Platbook I, veur 't iersj woort oetgegeve in opdrach van 't Hoes veur de Kunste i.s.m. de sjtiechting LiLiLi en Veldeke Limburg. 't Ies 't begin van 'n reeks, gesjreve in 't plat. Eder aaflevering haet 'ne eige eindredacteur. De serie Platbook is veur en van de Limburgse dialeklezer en –sjriever.

Platbook I 2008

Platbook I, thema: Columns euver sjrieve in 't plat, 56 pagina's, ies oetgegeve op de LiLiLi-daag 26 oktober 2008. Eindredacteur ies Wim Kuipers, dae 't initiatief haet genómme um 'n oetgaaf van werk in 't Limburgs oet te geve, naodat 't Veldeke-orgaan gesjtop waor in 2007. De auteursj, die eder hunne eige kiek op 't thema laote zeen, zint: Pierre Bakkes, Colla Bemelmans, Ger Bertholet, Jan Schuren, Frits Criens, Toos Schoenmakers-Visschers, Maria Scheres, Paul Weelen, Wim Kuipers, Wim Heijmans, Ad van Zwol, Rosalie Sprooten en Frits Linssen.

Platbook 2 2009

Thema: Ieëstelinge. Ónder eindredactie van Har Sniekers mèt werk van nog ónbekènde diechtersj. Óp 19 april 2009 woort 't gepresenteerd.

Platbook 3 2009

Thema: Sjerneermomente, sjleutelmomente in 't leve, van geboorte tot doad. Geredigeerd door Colla Bemelmans mèt werk van luuj oet de sjrieverskringe van Veldeke-Limburg.

Platbook 4 2010

Titel: "Fitsprovins", ónder eindredactie van Wim Kuipers mèt besjouwinge, verhaole en gediechte euver fietsrenne van Robert Clemens, Marleen Schmitz, Colla Bemelmans, Guido Wevers, Els Diederen, Guus Kitzen, Joost Schmets, Har Sniekers, Wim Heijmans, Bep Mergelsberg, Phil Schaeken, Robert Brouwers, Richard Leinders, Lenie Cramers, Theo van Dael, Maria Scheres, Miel Vanstreels, Jan Maas, Frans Maassen, Peter Winnen, Leon Frissen. De presentatie waor in 'ne café aan de Cauberg op 28 mei 2010.

Platbook 5 2010

De titel van diet 5de Platbook ies "Moder Maas", ónder eindredactie van Els Diederen, mèt besjouwinge, verhaole, herinneringe en gediechte euver de rivier de Maas en häör zieriviere mèt biedrages van Colla Bemelmans (Nuts), Jan Maas (Venloos, Jo Kostons (Beegs), Maria Scheres (Groesels), Han Berghs (Mestreechs), Jeanne Alsters van der Hor (Venloos), Ann Philipsen (Kessels), Karel Ruiten (Mofers), Paul Weelen (Kirchröadsj), John Bovendeert (Heëlesj), Riky Simons-Julicher (Zjwaams), Guus Kitzen (Sjipperkirks), Lou Pluijmen (Valkebergs), Els Diederen (Valkebergs), Aat Remkes (Mestreechs), Bep Mergelsberg (Norbiks), Leonne Cramers (Gelaens), Joop Schaminée (Wèssems), Richard Leinders (Zittesj), Toos Schoenmakers-Visschers (Posters), Wim Heijmans (Kirchröadsj), Theo van Dael (Kinders), Mariet van Knippenberg (Kessels), Mien Wijnhoven (Zaerems), Phil Schaeken (Zittesj). De presentatie waor op 28 november 2010 in café 't Auwt-vaerhoes, aan de Maas, in Obbeeg.

Platbook 6 2011

September 2011. De titel van Platbook 6 ies "Moereratsj"(wortele ónderein), ónder eindredactie van Pierre Bakkes, mèt verhaole, columns en gediechte euver ete en drinke. Mèt werk van: Mien Wijnhoven, Marcel Abrahams, Jan Maas, Truus Verbong, Franc van Baar, Susan Janssen, Mariet van Knippenberg, Riky Simons-Julicher, Ton Bijsterveld-Claessens, Jan Feijen, Annie van Gansewinkel, Jan Huijskens, Pierre Huijskens, Marianne van Wulms-Hovens, Els Zeegers-Koelen, Har Sniekers, Theo Van Dael, Marleen Schmitz, Karel Ruiten, Annie Schreuders-Derks, Guus Kitzen, John Hertoghs, Richard Leinders, Phil Schaeken, Leonne Cramers, Colla Bemelmans, Els Diederen, Math Mertens, Wiel Roeseler, Audrey Laven, Wim Heijmans, Will Kohnen, Bep Mergelsberg.