Wieërt

Dit artikel is gesjreve in 't Wieërts. 't Weurt gewaardeerd óm in dit artikel 't Wieërts aan te hauwe of aan te gaeve welk anger dialek gebroek is.

---

Gemeinte Wieërt (Weert)
Provincie	Limburg
Hoofplaats	Wieërt
Börgemeister (lies)	Jos Heijmans (D66)
Opperflaakde – daovan water	105,44 km² 0,89 km²
Inwoeners – deechde:	48.622 (1-4-2011) 465/km²

Martinuskèrk in Wieërt

Zuid-Willemsvaart, de knaal doeër de stad

Ein van de muuëles in en rôntelum Wieërt

De stasie van Wieërt

Wieërt (Nederlands: Weert) es 'n stad en gemeindje in Midde-Limburg, zjuust aan de Belse en Braobuntjse grens, mèt op 1 januari 2004 48.724 inwoeeners. De stad kreeg stadsrechte in 't jaor 1414. De bekindje Limburgse vlaaj zou oeërspronkelik uut Wieërt kómme. De petroeënheilege van Wieërt es Martinus, woeëaan ouch de dekenale kèrk inne stad aan gewiêdj es.

De gemeindje Wieërt

De gemeindje Wieërt bestieët uut de kèrne en wiêke:

• Altwieërthei (Altweerterheide)
• Boeteni-je
• Laor (Laar)
• Rooj (Stamproy)
• Tungelder (Tungelroy)
• Wieërt
  • Bosseve (Boshoven)
  • Husseve (Hushoven) buurtschap
  • Muuëlenakker (Molenakker en Kampershoek)
  • Wieërt-Centrum (Weert-Centrum)
  • Beest (Biest)
  • Groenewoud
  • Fatima
  • Kieëntj (Keent)
  • Moezel (Moesel)
  • Graaswînkel (Graswinkel)
  • Luuëke (Leuken)
  • Rond de Kazerne en Kazernelaan
• Zwertbrook (Swartbroek).

De gemeindje Wieërt haet sînds 2009 plaatsnaamborde in 't dialek.

Stadsgezicht

Belangriêke monumênte in Wieërt zeen:

• Laat-gotische Martinuskêrk
• Tiendscheur, noow 'n expositieruumdje.
• Aod gemendjehoeës es tiegewoeërdig ein meseum, mamelek meseum Jacob van Horne.
• Kestieëlrewiene de Aldenborgh. Dao es 'n barok Minderbroederskloeëster mèt nog 'n gotische kêrk.
• Kestieël Nijenborg oppe Beest.
• Völ Muuëles in en rôndum Wieërt

In de gemeindje, in oppervlak ein van de groeëtste in Limburg, ligke verder ouch völ neteurgebiede.

Historie

Wieërt is ontstaon op 'n druuëggelagdj moeras, woeë-op de naam al wiesj (op ânger plekke in Nederland komdje ouch völ name mèt weerd of waard tieëge). In 1062 weurtj de plaats vör 't ieërst geneumtj as Wertha, allewaal me tieëgewoeërdig dervan oetgieët det dit 'n vervâlsing es. 't Documênt regeltj de oeëverdracht van 't dörp aan 't Sintervaoskapittel in Mestreech.

In de vieftieëndje ieëw kwoom in Wieërt de lakenindustrie tot bluj. In 1414 krieëg 't stadsrechte, al wore 't gein komplieëte. Wieërt woor in daen tiêd besteurdj doeër de hieëre van Horn. De lakenindustrie bracht 'ne blujjendje hândel mèt völ stieëj op gang, tot aan Berge op Zoom en Antwerpe tów. Nao de zestieëndje ieëw aevel góng 't minder mèt de stad, di-j nao de Tachtjigjaoregen Oerlog nog zjuust in de Noordelike Nederlande te ligke kwoom. De Graaf van Horn woeërt in 1568 mèt dae van Egmond op de Groeëte Mèrrentj in Brussel vermoeërdj, woeëmej de bescherming van de sted woort euvergnome dör 't Preensbisdom Luuk. De stad van knouppûnt van wieëg tot periferie: de grèns leep oeëver d'n heerwieëg nao Antwerpe.

't Herstèl es in de nuuëgetieëndje ieëw hieël lânkzaam op gang gekaome, ieërst doeër 't grave van de Zuid-Willemsvaart, later ouch doeër d'n aanlègk van spoeërwieëg. Pas nao den Twieëdje Werreldjoerlog es Wieërt 'n industriestad gewoeëre.

Evenemènte

In Wieërt waere aeder jaor ein aantal belangriêke evenemènte gehaoje. Ein aantal van dieës zeen:

• Kèrmes Wiëert (Twieëdje groeëtste van Nederland)
• Bospop
• Horneland Rally

Geboeëre in Wieërt

• Mieke en Selma Jansen, bekind es de Selvera's, 'n zangduo
• Sjeng Schalken, tennisser
• Harrie en de Gebroeëke Zwieëgelkes, band
• Tsjèh Tsjèh Tsjèh, band
• Dance-On, band
• Irene van Vlijmen, kunstenares o.a. mozaïek, 1941

Extern linke

• Website van de gemeindje
• De Aldenborgh - Wieërtse krink vaan 't LGOG

51° 15' NB, 5° 43' OL