Rimburg

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Brókkelzers, as te dit dialek sjpriks.

---

Lintbeboewing aan de Rinkberg in Rimburg

Rimburg in 1866.

Kesjtièl Rimburg op 't Duutsj

Rimburg ies 'n dörp in de gemeinte Lankgraaf in Zuud Limburg. De beweunersj zègke ouch Renkberg en Brokkelze (Broekhuizen) (ouch 'n kern). Tot 1887 waor 't 'n zelfsjtendige gemeinte. Daonao kaom 't ónder Ubach euver Worms. Rimburg liek aan de grensrivier de Worm. De naam kump van börch in de vörm van 'ne rink. In 2003 wone d'r 850 luuj. 't Plaetske ies 'n besjermp dörpsgeziech. 't Dialek wat ze hie kalle weurt Brókkelzer plat geneump.

Kerne:

• Brokkelze (Broekhuizen)
• Achter de Häöf (Op de Hoven).

Gesjiedenis

Rimburg liek langs de Romeinse waeg van Boulogne-sur-Mer, euver Tóngere, Mestreech, Heerle nao Kölle. Bie de Overstehaof loog 'ne Romeinse villa. Tot 1775 waor 't 'n hièrlikheid mèt sjepebank. In 1816 ies 't dörp bie Nederland gevoog, 't kesjtièl Rimburg bevingk ziech dan aan de euverkant van de Worm op 't Duutsj.

Bezeenswaerdig

• Diverse ouw häöf en hoezer (o.m. in vakwerk en mergel,) langs de ouw hièrbaan (in lintbeboewing).
• De baksjteine kèrk van de Heilige Drievöldigheid oet 1726. De sjtiel woort bie later verboewinge neo-romaans. In 1833 woort ze parochiekèrk.
• Neogotische kapel.
• 't Kesjtièl Rimburg bevingk ziech op 't Duutsj. Ouch 'n watermeule, aan de Worm, huèrt bie diet complex.
• Watertore.
• Op de grens liek 'n monument van de vrae mèt 'n teks in 8 versjillende tale: Weet die u de haat leert, zal u niet verlossen.

Dörpsvereiniginge

• Fanfare Victoria
• Carnavalsvereiniging de Wespele
• Zank: Eindrach

Externe link

http://www.rimburg.nl