Zjwaams
Van Wikipedia
Dit artikel is gesjreve in 't Zjwaams. 't Weurt gewaardeerd óm in dit artikel 't Zjwaams aan te hauwe of aan te gaeve welk anger dialek gebroek is.
Zjwaams is de eige benaming veur 't plat van Zjwame, det in de plaats Zjwame en omgaeving gekald waert. Zjwaams is ein dialekvariant van 't (Midde-)Limburgs.
Inhawd |
[bewirk] Kinmèrke
ich - make - doe - boum - hóndj - sjlang - sjaop - rech< > (oetlik)
[bewirk] Sjleiptoon en valtoon
In 't Zjwaams waert ongersjied gemaak tösse sjleiptoon en valtoon. Ein good veurbeeldj hiejbiej is 't waord 'sjoon'. 'Sjoon' mit valtoon beteikent 'mooi', terwiel 'sjoon' mit sjleiptoon 'schoen' of 'schoenen' beteikent.
't Versjil tösse inkelvoud en meervoud kins se dök aaflieje aan 't wäördje det daoveur sjteit: diene sjoon is eine sjoon, dien sjoon zeen d'r twee.
[bewirk] Gein oneigelikke tweeklank
In Zjwame waert 'twee', 'groot' en 'geweun' gezag, en neet 'twieë', 'groeat' en 'gewuuen'.
[bewirk] Panninger Linie
Zjwame lègk ten weste vanne Panninger Linie, wodoor in Zjwame van "sjtad" en "sjtaon" gekalt waert. In `t Zjwaams kump dus ein "j" tösse de "s" en de "t". Det guldj ouch veur wäörd die beginne mit zjw-, sjl-, enz.
[bewirk] Aad en kaad
Wo in anger dialecte 'aojer', 'kaod', 'haoje' waert gezag, is det in 't Zjwaams 'ajer', 'kaad', en 'haje'.
[bewirk] Externe links
Zjwaams Waordebook op internet (zjwaamswaordebook.swalmen.net)
