Ech

Dit artikel is gesjreve in 't Echters. 't Weurt gewaardeerd óm in dit artikel 't Echters aan te hauwe of aan te gaeve welk anger dialek gebroek is.

---

Landikskèrk in Ech

Ech (Nederlands Echt) is 'n klein sjtad in de Nederlands-Limburgse gemeinte Ech-Zöstere. Ech is de hoofplaats en mit óngevieër 19.300 inwoners ouch de groatste plaats van Ech-Zöstere. De plaats en alle kerne höbbe 'n plaatsnaambord in 't Limburgs. 't Kerngebied bedreug 75,13 km². 't Haet 'n tertiaire verzörgingsfunctie, mit versjillendje òngerwies- en winkelfuncties. Petroanheilege is Sint-Landricus.

Aanzich

Belangriek monument is de Sint-Landricuskirk (kiek hienaeve), 'n vieftieënde-ieëwse hallekirk die in 1871 en 1872 werdje oetgebouwd in neogotische stiel door Pierre Cuypers. De biejbehuuerendje tore woor in d'n Twieëde Wereldoorlog zwaor besjadigdj en de spits is nao d'n oorlog in conventioneel moderne stiel weer opgeboewdj. Wujer kèntj de sjtad ouch ein Karmelitessekloeaster oet 1879, wovan de kapel ouch door Cuypers óntworpe is.

Historie

Ech kreeg in 1343 sjtadsrechte van de graaf van Gelder. Nao d'n Tachetigjäörigen Oorlog bleef 't in de Sjpaanse, later Oasteriekse, Nederlènj ligke, tót 't mit de Vrei van Utrei in 1713 same mit Venlo aan de Republiek van de Zeve Verenigdje Nederlènj waor äövergedrage. 't Awd sjtadsgebied Ech waerdje biej de stichting van 't Käöninkriek Nederland in 1815, es gemeinte gehandjhaafdj: de dörper De Boesj (Koningsbosch), D'n Deelgaard (Maria-Hoop), Pej, Sjaelberg,'t Hènge en Sint-Joeas waerde gein aparte gemeintes. In 2003 fuseerde Ech mit de gemeinte Zöstere tot Ech-Zöstere.

Gebaore in Ech

• Maud Hawinkels, presentatrice
• Paul Rutten (1958), socioloog
• H. Welters, (1839 -1887), sjriever

Vereiniginge

• Sjötterie Sint Antonius