Els Diederen

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Els Diederen declameert bie de presentatie van Sjakelt de zinne in 2006

Els Diederen (Els van Dedere, Sint-Pièter, Valkeberg, 19 november 1946) ies 'n diechteres en sjriefster in ‘t Valkebergs. Zie ies gebore es 9e kind van 11, dochter van ónderwiezer Huub Diederen oet Valkeberg en Lieske Steins oet Zjwier. Jan en Bert Diederen zint breursj van häör.

Diederen volgde, nao de pedagogische academie, de lièrare-opleidinge teikene, handvaardigheid en textiel wèrkvörme. Docent Limburgs woort zie nao ’t hole van ’t diploma van de (ièrsjte) pos-hbo-kadercursus Lièrgank Limburgs in 2004. In 't dageliks leve waor zie lièrares op 'n basissjoal.

Zie ies secretarés en websitemeker van de Veldekekrink Valkeberg, lid van de Algemein vergadering van Veldeke Limburg, lid van de commissie Volkscultuur, lid van de redactie van 't Jeugdmagazine Veldeke en van de Veldeke-Nuujsbreef.

In 2010 Lid in de Orde van Oranje Nassau

Publicaties[bewirk | brontekst bewerken]

In ’t begin diechde ze in ’t Nederlands, vanaaf 1980 in 't Valkebergs. Häör gediechte en artikele versjene in 't Veldeke-orgaan van Veldeke-Limburg en in diverse ander regionaal tiedsjriefte. Zie maakde ouch 'n aantal vertalinge, woa-ónder 't Valkebergs van twiè personages in 't sjtripverhaol van Suske en Wiske De waerwouf van Ieëtselder, volkskaersjleedsjes veur de kaersjvieringe van de Veldekekrink Valkeberg en tekste/dialekbewèrkinge van zangsjtökker veur zangvereiniging Orphée, woavan zie zingend lid ies. Ein van die bewèrkinge waor de dialekvertaling van 't Limburgs volksleed in 1996.

Vanaaf 2005 sjrief ze artikele op de Limburgse Wikipedia en wekeliks sjtökskes plat in de regionaal gezèt Heuvelland Aktueel.

Gediechte[bewirk | brontekst bewerken]

  • 1980, Blomekinger: bundel dialekversjkes veur kinger en kingermusical Blomekinger
  • 1992, 3 gediechte in de bloomlezing Rierank van Veldeke-Valkeberg
  • 1992, 1 gediech in de bloomlezing 1, in de reeks Veldeke Literair van Veldeke-Limburg
  • 1993, 2 gediechte in de bloomlezing 2, in de reeks Veldeke Literair van Veldeke-Limburg
  • 1994, 1 gediech in de bloomlezing 5, in de reeks Veldeke Literair van Veldeke-Limburg
  • 2006, Sjakelt de zinne, gediechtebundel in 't Valkebergs mèt eige illustraties, nr 52 in de serie Limburgse Literair Lies LiLiLi, door oetgeverie TIC
  • 2009, L1 Poëzie uit het Zuiden Aaflevering Els Diederen
  • 2010, 2 gediechte in de bundel D'r hergod versjteet óch plat, LiLiLi nr. 67;

2 gediechte in Platbook 4 "Fitsprovins"; in Platbook 5 'Moder Maas'.

  • 2011 gediech in Platbook 6 'Moereratsj'; in de Lèsbreef 'Mergel'.
  • 2012 gediech in Platbook 8; in Veldeke-Jeugmagazine
  • 2013 in Veldeke jaorbook 2012; gediechte in Platbook 10, 11
  • 2014 gediech in Platbook 13

Sjrieverie, artikele e.d.[bewirk | brontekst bewerken]

  • 1983, Valkebergs laesplenkske, laeskleurplaat
  • 1984, 't Vallekebergs Laesplenkske A3-formaat in kleur;
  • 1993, artikel: Dialekname van plante in Valkeberg e.u. in Veldeke vol. 68, afl.3, pag.76-79.
    • De lies ies ouch versjene in 't heemkundeperiodiek van Sjin op Geul (1994)
  • 1998, Sjpele mèt weurd en klanke, dialeklèsse, behuèrend bie 't leesplenkske, veur kinger van groep 7/8 van de basissjoale in Valkeberg aan de Geul, oetgegeve door Veldeke-Valkeberg
  • 2000, Digitaal Valkebergs laesplenkske mèt oetsjpraok, op de website [1]
  • 2003, artikel: St. Pièter, kruuspunt en kloaster, in 't Veldeke-Valkeberg jaorbeukske 2003
  • 2005, artikel: Wat name van plante oes vertèlle, ‘ne kroedwösj, in ’t Veldeke-orgaan van Veldeke Limburg,
    • Veldeke-Valkeberg jaorbeukske 2004 en
    • in 2005 in ’t Sjtegelke van de Heemkundevereiniging Houthem-St. Gerlach
  • 2007, Sjtökskes plat, ‘n verzameling van 122 sjtökskes plat, die van medio 2005 t/m 2007 wekeliks versjene zint in de weekgezèt Heuvelland Aktueel. Oetgegeve door Veldeke-Valkeberg
  • 2008, In 't VJM (Veldeke Jeugmagazine) de artikele: Vakwerkboew in Limburg (mèt foto's), Van Poëzie tot Hyves (mèt foto's), Limburgs Volksleed en de Valkeberg-limmerick
  • 2008, Sjins Laesplenksjke
  • 2009, Limburgs volksleed in 't Houtems in 't Sjtegelke, Heemkundeblaad van Houtem-St. Gerlach.
  • 2009, Beukske Dialekhuweliksmès
  • 2009, teks van Veldeke-Valkeberg-dialekmès, beukske mèt (vernuujde) dialekmèstekste volges de canon van de liturgie, oetgegeve door Veldeke-krink-Valkeberg.
  • 2010, artikel mèt foto's in 't Veldeke Jeugmagazine: Giechelmoos en ander dialekname veur plante en dere.
  • 2010, artikel in en redactie van Platbook 5 'Moder Maas'.
  • 2010, 'Leesplenkskes', artikel in Veldeke-jaorbook 2010
  • 2011, Houtems Laesplenkske
  • 2011, samesjtèlling en teks van de Lèsbreef 'Mergel' veur de basissjoale van Limburg, oetgegeve door Veldeke-Volkscultuur
  • 2011, artikele in 't Veldeke Jeugmagazine, thema Lekker Limburgs.
  • 2013, 'I g'ne leem, sjtreektaal in 't Limburgs vakwerkhoes', artikel (40 pag. mèt foto's) in Veldeke-jaorbook 2012
  • 2013, 'Valkebergs', 'n (twiètalige), taalkundige besjrieving van 't Valkebergs, beukske oetgegeve door Veldeke-krink-Valkeberg
  • 2014 2 Artikele euver de historie van zangvereiniging Orphée 1864-2014, in 't Sjtegelke van Heemkundevereniging Houthem-St. Gerlach (Nederlands).

Leedtekste en vertalinge[bewirk | brontekst bewerken]

Sjtäölke[bewirk | brontekst bewerken]

Mozart
aart
Mozart
nao de veugel
't keuninkske van boetemaot en euverwiech
of link 'r nao de vink
mèt tegetoanig ing
boewt hae de fien tuèntsjes van de blauwmeis oet
of miè de luiper van de ander
akkoord
muziek greujt
ouch oet de vleugel
en de aansjlaag op zien brein
same breujt
't trio
van interval tot groate terts
zien composities biejein

oet: Sjakelt de zinne (2006)

Referenties[bewirk | brontekst bewerken]

  1. [1]

Zuug ouch[bewirk | brontekst bewerken]

Wikibrónne
Wikibrónne haet ouch 'n pazjena mit sjtäölkes en brónne euver Els Diederen.


Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Els_Diederen&oldid=359455"