Toear

Van Wikipedia
Gank nao: navigatie, zeuke
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Toears, as te dit dialek sjpriks.

Toear kort veur zien opheffing

Toear (op z'n Hollands Thorn, daodoor ouch dèks Thoear gesjreve) is e stedsje in de Midde-Limburgse gemeinte Maasgoew mèt 2.600 inwoeners (1 augustus 2006). Häöre bijnaom is 't Wit Stedsje, vaanwege de witte mör die väöl hoezer in 't centrum höbbe. Toear ligk aon de Belzje grens, kortbij Kaesing.

Historie[bewirk | brontekst bewerken]

Sjtraotbeeld

Toear is aon 't eind vaan de tiende iew oonstande roond e benedictinessekloester. Dees abdij greujde in de Riddertied oet tot 'n stif, later zelfs tot e vorstedom, 't kleinste vaan 't Heileg Roems Riek. In 1354 kraog 't pläötske stadsrechte. Nao de Tachtegjaoregen Oorlog bleef 't bestoon, tot de Franse bezetting in 1797 'n ind draon maakde. Tösse 1830 en 1839 waor de plaots in Bèlzje han. Sins 1 januari 2007 maak Toear deil oet vaan de nui gemeinte Maasgoew, boe-in wijer nog Brach en Hael opgónge. Op 't memint vaan häör opheffing waor de gemeinte Toear mèt 2600 inwoeners, 'n oppervlak vaan 6,60 km² en gein ander kerne es Toear zelf wiedoet de kleinste gemeinte van Nederlands Limburg.

Harmonieorkeste[bewirk | brontekst bewerken]

Toear is internationaol bekind um 't hoesveste vaan twie op hoeg niveau speulende harmonieorkeste, boetösse 'n serieus rivaliteit besteit: de Koninklijke Harmonie (de "bök") en de Harmonie St.-Michaël (de "geite"). Dees twie orkeste bepaole 't gaans dörpsleve. In 1999 zien 't dörp en zien twie orkeste geportretteerd in de documentair Bokken en geiten vaan Hans Heijnen, dee gaans in 't Toears dialek gesproke is.

Persone[bewirk | brontekst bewerken]

'ne Toearse dichter is Har Sniekers

Externe link[bewirk | brontekst bewerken]

Commons-logo.svg Commons: Category:Abdijkerk Thorn – Media gerelateerd aan dit óngerwerp
 
Gemeinte Maasgoew
Dörper en stej: Bieëgdje | Brach | De Baek | Hael | Lin | Panhael | Staeveswaert | Toear | Wèssem
Gehuchte: Baarstraot | Bilt | Brachtersjtasie | Brandj | De Laak | De Tump | De Weerd | Eilandj | G'n Oea | Oeazje | Pol
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Toear&oldid=350906"