Bep Mergelsberg
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Bep Mergelsberg is 'ne Belzje dichter, sjriever, columnist in ‘t Norbiks en in ‘t Nederlands. Ze is gebaore in Norbik, gemèngde Mergraote in Zuud-Limburg op 30 april 1957. Ze wónde in Mestreech, Leuve, Voere en allewiel in Sittard. Ze överwaegt ernstig öm zich, öm opportunistische raejene, töt Hollender te laote naturalisere. Èges haat ze niks mèt nationalitèèt. Ze besjoewt dat es e sjtök papier dat dör nationaal sjtaote is oetvoonde öm get controle te ha över de luuj. Ze haat waal get mèt tale mae neet mèt èng in 't bezeunder. Dit lètste vind ze zelfs get gevaeërleks.
Mergelsberg is drama-docente en theatermaker en gèft dramalès an keender, jóngere en volwassene en regisseert in 't amateurtoneel. Ooch wèrkt ze es regisseur in wiekprojekte van welzijnsinsjtèllinge. Saer november 2008 is Mergelsberg verboonde an 't Pitboel Theater es drama docaent
Mergelsberg haat wiejer 't sjtatuut van 'Erkènde Vlaamse toeristische gids' (Pos-HBO) en haet jaorelaang ervaring es gids in de Euregio Maas-Rien. Es HBO kultureel werker haet ze ervaring in de politiek/kultureel/sociaal interessante gemeinte Voere.
Ze is mieë es 20 jaor gelaeje begonne mit 't vertale van toneelsjtukke - Fitgerarld Kuzs oet 't Frankisch en Shakespeare - in 't Norbiks en in de Veldekesjpelling vör toneelgroep De Bron. Bie 't Groeët Limburg Dictee waoërt ze in 2008 twiede; in 2009 achste.
Inhawd |
[bewirk] Laevesloop
[bewirk] Literair waerk
- 2009: Nederlandse vertaling van gedich Être Poéte van Maurice Carême in Woordwerk, tiedsjrif van de Vereniging Literaire Activiteiten Maastricht, VLAM
- 2008: Historisch kórtverhaol De nachmerrie va Seent Hubertus óp ège blog hie-oonder
- 2008: Nederlandstalig sonnet De lelie der Dalen in de Horizon van Dagblad De Limburger
- 2008: De luuj van Ardoewa, kórtverhaol in LiLiLi Laach, 63ste oetgave in de reeks LiLiLi
- 2007: Limburgstalig sonnet Kostume in Dagblad de Limburger, editie Sittard-Geleen
- 2006: Nederlandstalige column Korset in Woordwerk
- 2005: Veer Limburgstalige sonnette in Sjrief Plat, 51ste oetgave in de reeks LiLiLi
- 2004: Nederlands verhaol Pagina 158 in Wel, universitair tiedsjrif veur media en literatuur, Leuven[1]
- Vanaaf 2002: Gedichte en verhaole in ’t orgaan van Veldeke Limburg
- Vanaaf 2000: Róndsjtuurbreve in de Gezèt De Limburger.
- 2000: Twietalig (N/Fr) groeët interview mit de Voerense verzetssjtrijdster Joséphine Wolfs. Oetgegaeve in eege beheer.
- 2000: Driejtalig (N/Fr/Plat)groeët interview mit 'ne aod-burgemeester oet Moelinge. Oetgegaeve dör Retour à Liège.
- 1999: Verzet in Voeren/Résistance dans les Fourons, 'n twieëtalig oonderzeuk nao 't verzet van d'r internationale groep Clarence in Voeren tiedens WO ll en 'n interview met o.m. de dochters van Jules Goffin, verzetsstrijder. Oetgegaeve in eege beheer.
- 1993: Inventarisatie-onderzeuk en vastsjtèlling plaats en sjriefwies van Norbikse toponieme in 'n oetgaaf van 'Heem en groen' Norbik.
- 1990-2002: Artikele in d’r Koeënwoof, Voere
- 1990-1998: Jaorlijks Nederlandstalig groeët interview met 'ne Voerenaer, in Voeren Aktueel, oetgegaeve dör Voerbelange
[bewirk] Weigering deelname Veldeke literatuurpries 2007
In 2007 dèèt Bep Mergelsberg neet mèt an de wedstrijd ömwille van de oonverenigbaarhèèd van 't gegaeve dat d'r preis in Hasselt Vlaandere wert oetgereikt mèt häör humanitair sjtaandpeunt in de Voerkwestie.
[bewirk] Nominaties in 't verlaeje
- 2003: nominatie kórtverhaol Laandboewerstied; publicatie in Veldeke orgaan
- 2006: ieërvolle vermelding van d'r doeëje-dialoog Gesjprek mit Shakespeare; publicatie óp ège blog hie oonder
[bewirk] Sjtäölke
Fragmaent oet Gesjprek mit Shakespeare, 'ne doeëje-dialoog.
De middegzon sjiengt in 'n witte sjtriep dör de däör nao binne. Mae in de Pieter is 't keul. 'n Keulhèèd die get klaams kriet es 'ch dör de aoëpe veenster rech op d'r middelieëwse sjtadsmoeër kiek. Bie 't zieë va mergel, ruuk 'ch d'r Jezuïteberg. En laet zich vör e momaent 'n dun glaasgerdienge grottetemperatuur uvver mich heen. Ich hub os twieë witbeer besjtild en kleenk mit d'r William Shakespeare op os gezoondhèèd...
William Shakespeare:...'ch Hub väöl van d'r Francis Bacon gelieërd. Later verwirkde 'ch dat väöral in 't Gehuch.
Bep Mergelsberg: 't Gehuch? Dat sjtuk kin 'ch neet.
William Shakespeare: Da kins-te neet genog Ingelsj. E hamlet is 'n klèè aafgelaege gehuch mit get gesjlaoëte hoof-boerderieje. 'ne Treffende metafoor väör d'r top van 't Hof. 't Sjtuk geet jao och uvver d'r sjtrijd um de geesteleke mach dae zich aafsjpelt op 't nivo van de groeëte ego's. En wie ze zich oonder-èè op die meneer allemaol kapot make.
Bep Mergelsberg: Mae Hamlet sjpelt zich toch aaf in Denemarke?
William Shakespeare: 'ch Moes mieng sjtukke transponere. Urges aandersj situere um de duiding te kamoeflere...
[bewirk] Regisseur en theatermaker
- Verborgen geheimen, een jongerenproductie met film (script BM), 2009, lesgroep 6B, Pitboel Theater
- Commissaris de Voogd en de zaak van Vliet, een tienerkrimi (script BM), 2009, lesgroep 5/6A, Pitboel Theater
- De avonturen van Frits en Frida, tienertoneelstuk (script BM), 2009, lesgroep 5B, Pitboel Theater
- Edelsteen en diamant, verteltoneelstuk (script BM) met kleuters, 2009, lesgroep 2, Pitboel Theater
- O'Dschipen, muzikale theaterproductie door Sinti oet Limburg, 2009; TABOR, klee theatercircuit Limburg
- De Sjuinsmersjeerder, komedie van Bert Nysten, 2009; Toneelvereniging Sjpaubik Sjpeelt, Sjpaubik
- Een goed soldaat, komedie van Johan Dobelaar, 2009; Toneelvereniging Een Aardigheid, Brunssum
- Merlijn en Sint Maarten, Halloween-voorstelling voor kinderen door Bep Mergelsberg, 2008; Toneelgroep Sittard Oost i.o., Sittard
- Wijkproductie Brunssum ism ACMW, 2008
- Moordweekend, komedie van Carl Slotboom, 2007; Toneelvereniging Een Aardigheid, Brunssum
- De nacht van de Pauw, Nederlands drama Willem-Jan Otten, 2007; Toneelgroep Pallieter, Elsloo
- 'n Zaak van gewich, komedie van Ton Davids, 2006; Toneelvereniging Een Aardigheid, Brunssum
- 't Oonbesjraeve blaedje, komedie van Ton Davids, 2005; Toneelvereniging Een Aardigheid, Brunssum
- Kale kak en kaad beer, komedie van Johan Dobbelman, 2005; Toneelvereniging Zet Door, Tegele
- Make my day, eigen productie in Limburgs klee theatercircuit, 2005
- 't Sjoesterke, kluchtige eenakter, 2004; Toneelvereniging Een Aardigheid, Brunssum
- Moederliefde van August Strindberg, 2004; Toneelvereniging Een Aardigheid, Brunssum
- Rus, vraej en Kèrkhofs komedie van Ton Davids, 2003; Toneelvereniging Een Aardigheid, Brunssum
- De zwarte keizer, ège bewerking van kórtverhaol van Hugo Claus, 2003, Venlo
