Bóches

Van Wikipedia
Gank nao: navigatie, zeuke

Dit artikel is gesjreve in 't Bóchezer. 't Weurt gewaardeerd óm in dit artikel 't Bóchezer aan te hauwe of aan te gaeve welk anger dialek gebroek is.


Bóches (Bocholtz)
Gewaeze gemeinte in Nederlandj

Bocholtz wapen.svg

{{{locatie}}}

Gevörmp 1096[1]
Opgehaeve 1982
Opgegange in Zumpelveld
Provincie Nederlands Limburg
Hoofplaats Bóches
Opperflaakde (bie opluffing) 8,48[2][3] km²
– daovan water: 0,00[2] km²
Inwoeners (kort veur opluffing) 4.705 (1971)
deechde: 555/km²
Lies van börgemeisters
Kirch va Bóches oes 1873

Bóches (Nederlands: Bocholtz) is e dörp in de jemingde Zumpelveld Ì Zuud Limburg. Dao woeëne 5620 luuj (1 januari 2006, brón: CBS).

Bis 1982 waor 't 'n eige jemingde. 't Dörp waor al bewoeënd in de tsied van de Romeine jetsuge de opgraving van 'ne jroese romeinse villa an d'r Vlengendalerweg (1911), en tswei sarcofage die d'r jevonge zunt.

Buurtsjappe[bewirk | brontekst bewerken]


Bezongerheede an 't Klimaat va Bóches[bewirk | brontekst bewerken]

I Bóches jieët 't 'n angtsal bezongerheede tse neumme, went ut jeed uever os Klimaat. Ut miest opvallende is, dat dur i Bochus jee of nauwelijks onweer muegelijk is. Tot noe tsauw is doa noch jing wissenschaftliche verklaering vuur jevonge. D'r zunt ichter tswei parametere die uuverduetlich aajeave dat un willekeurige onweersstuuring (of ing willekeurige actievere buuj) jee lang leave bespaard is, zoe gauw wie ze ì Bóches kuunt. Tsen iestje numt de bliksemactiviteit duudlich aaf, zoedat der maar nog u paar ontladinge sund in de buurt va Bochus. De buij zellef nuumt och duudlich aaf, en wat uuver bliet sind u paar druupe. Doé bie ist natuurjlich nit oesjeschlosse dat de betriffende bui of onweersstuuring donoa d'r droad jewuun wer oppakt of zilfs nog actiever weat. Fenomene wie inge Downburst, Golfbalhagel of ing Windhoes, zunt ì Bóches al jans oesjeschlosse. Och is noa jejeavens van de Wetterstation Oche-oeschjbich bekind jejeave dat ì Bóches noch noets mieje dan 68 millimeter neerscjlaag is jevalle op tsied vaan 24 schtond. Vaa wateruuverlast ist dorum alling mer in hiele zildzaame jevalle spraache, zoe wie in 2011 wie der schneij woar jeschmolze. Daan jeed ut echter neet um direkte jevolge vaan ut wear. Dorrum moag dur term 'Noedweer' alling mer jebroecht weade mit betrikking op anger plaatsje, so wie beij vuurbeeld Remunj, woa vuurig joar de Sjtad veer kier onger wasser stong. Ing verklaering vuur ut oesblieve va Noédweer in de regio Bóches, zouw kinne zieje dat der wienig wasser stil bliet schtoa in ut Heuvelland. Dit wasser (in d'r vorm van beij vuurbeeld u meer of ing groese rivier) hand onweersbuie nuudig um tse kinne activere, of actief tse blieve.

Waope[bewirk | brontekst bewerken]


De volgende sectie van dit artikel is gesjreve in 't Mestreechs.

Op 23 november 1896 kraog Bóches vaan d'n Hoege Raod vaan Adel e waope touwbedeild, wat ziech zoe liet umsjrieve:

Gedeild: I. in goud (geel) d'n apostel Jacobus de Mierdere, geziech en han vaan natuurleke kleur, stoonde op 'ne graasgroond vaan sinopel (greun), gekleid in e pelgrimskleid en mèt 'ne pelgrimshood op de kop, alles vaan sabel, op d'n hood en op de bij mouwe 'ne sjelp vaan zèlver (wit), hawwend in de rechterhand 'ne pelgrimsstaaf mèt dao-aon e kruukske, allebei vaan sabel; II. in lazuur (blauw) 'ne paol vaan zèlver.

Jacobus de Mierdere is de parochieheilege vaan Bóches. Lazuur mèt 'ne paol vaan zèlver is 't waope vaan de femilie Von der Leyen, die e tiedsje hiere vaan Bóches en Zumpelveld zien gewees.[1]

Historische inweunertsale[bewirk | brontekst bewerken]

joar tsaal joar tsaal joar tsaal
1830 884[4] 1879 1.265[5] 1930 3.096[6]
1840 965[7] 1889 1.484[8] 1947 3.581[9]
1849 1.004[10] 1899 1.750[11] 1956 3.926[12]
1859 1.167[13] 1909 2.120[14] 1960 4.078[2]
1869 1.302[15] 1920 2.528[16] 1971 4.705[3]

Folklore[bewirk | brontekst bewerken]

Elk joar in Augustus is 't Mei-I-Vaare (Oogstdankfeest) ì Boches. 't Weaät jeorganiseerd durch de stichting Mei-I-Vaare Bocholtz.

Bezeenswaerdig[bewirk | brontekst bewerken]

Ondanks dat Boches nit toeristisch is zunt d'r waal best vuel auwee jebowee tse zië sowie kasjtiël de Bongard (privé bezit) en Hoeve Overhuizen (och privé bezit). D'r sunt jing richtige musea mèh op d'r zölder van de carréboerderie d'r Scholtissenhof is ing miniatuur welt jemaat va Limburg.

De kirch[bewirk | brontekst bewerken]

Kasjtiël De Bongard, Boches

De kirch va Jacobus de Meerdere is jebowd woëde tussche 1869 en 1873, durch d'r Pierre Cuypers. De pastorie is và 1796.
Ì 1953 is de Krick jroesser jemaat durch d'r H. Koene.

Noaveres (Overhuizen)[bewirk | brontekst bewerken]

't Kesjtieël Overhuizen (dialek: op 'n Noaveres) is al vermeld in 1330. Van 't kesjtieël zunt d'r paortbaog in helsjtein, de capella domestica, de jroesse carréboerderie in kundersjtein en 'ne keller nog aanwezig. Van 1774 tot 1794 waor 't de zetel van de heerlekheid Zumpelveld. 't Kasjtieël is durch de Franse neerjehaold.

Kasjtieël de Bongard[bewirk | brontekst bewerken]

'n Anger kasjtieël is kasjtieël De Bongard oes 1373, dat mìt Overhuizen verbónge waor via 'ne óndergróndse jank. In 1523 vóng 'n verbowwing plaats. Dao sjteet nog einge rónge hooktore. 't Jeboew haet kènmerke van Maaslandse renaissance mìt opvallende sjpeklaoge. Ouch heij bevingk zich 'ne haof.

Oes joa ì Boches[bewirk | brontekst bewerken]

Oes joa ken me in de wieëtschafte: D'r Aouwe Kino, Café De Trepjer en I'm weissen Rössel. Och in de jroesse Sjporthal is ing wieëtsjaft.

Dórpsvereine[bewirk | brontekst bewerken]

Rifferense[bewirk | brontekst bewerken]

  1. 1,0 1,1 Heraldry of the World - Bocholtz
  2. 2,0 2,1 2,2 Volkstsellóng 1960 - Bevölkeroeng va jemingdes en óngerdele va jemingdes
  3. 3,0 3,1 Volkstsellóng 1971 - Plaatsjlieche indelóng
  4. Volkstsellóng 1830
  5. Volkstsellóng 1879 - Limburg: plaatsjlieche indelóng
  6. Volkstsellóng 1930 - Plaatsjlieche indelóng
  7. Volkstsellóng 1840 - Limburg
  8. Volkstsellóng 1889 - Limburg
  9. Volkstsellóng 1947 - Plaatsjlieche indelóng
  10. Volkstsellóng 1849 - Hertigdóm Limburg: jemingdesjewies indelóng van de provins
  11. Volkstsellóng 1899 - Limburg
  12. Weunóngtsellóng 1956 - Wiechtiegste jejeëves per jemingde
  13. Volkstsellóng 1859 - Plaatsjlieche indelóng
  14. Volkstsellóng 1909 - Plaatsjlieche indelóng
  15. Volkstsellóng 1869 - Feitlieche of jetselde bevolkeróng in eder jemingde van 't riech
  16. Volkstsellóng 1920 - Plaatsjlieche indelóng
 
Gemeinte Zumpelveld
VlagZumpelveld.PNG
Dörper: Bóches | Bóchezerhei | Busjehoêze | De Huls | Zumpelveld
Buurtsjappe en gehuchte: Baaks-Sweijer | De Boanhei | D'r Bróch | D'r Bulkemsbróch | Hulsveld | Lauvenberg | D'r Molsberg | D'r Prikket | D'r Roëputs | De Vlengeder | Waalbróch | D'r Zamberig
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bóches&oldid=352003"