Valkeberg
Van Wikipedia
- Dit artikel geit euver de gemeinte. Veur de plaats zuug Valkeberg (plaats).
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Valkeberg aan de Geul (Nederlands: Valkenburg aan de Geul) ies saer 1 januari 1982 de naam van 'n gemeinte in zudelik Limburg liegkend tösje de gemeintes Mesjtreech, Mergraote, Meersje en Voelender, gesitueerd aan de Geul. De gemeinte Valkeberg aan de Geul tèlt per 1 januari 2004 17.768 inweunersj. De börgemeister ies, saer 29 februari 2008, Martin Eurlings. Väöl toeriste kómme in Valkeberg um 'n vakantie te viere. Me kalt in de ganse gemeinte Valkebergs, mèt klein oetsjpraokversjille in de biebehuèrende dörper en gehuchte.
Inhawd |
[bewirk] Historie
In de historie en tiedens de periode van 't Hertogdom Limburg, waor Valkeberg (mèt zien börch-kesjtièl) 'n hièrlikheid, mèt ónder ziech 38 dörper ouch bekènd es de graafsjap Valkeberg.
Tot 1940 besjtóng 't es 'n (klein) gemeinte Valkeberg en van 1940 tot 1982 waor 't de gemeinte Valkeberg-Houtem.
[bewirk] Dörper en gehuchte
Saer de herindeiling van de gemeintes in 1982 besjteit de gemeinte oet de volgende dörper en gehuchte, buurtsjappe en wieke:
|
|
[bewirk] Fietsrenne in Valkeberg
- In 1938, 1948, 1979 en 1998 vónge de Waereldkampioensjappe fietsrenne plaats op de Cauberg.
- In 1992 en in 2006 waor de Cauberg aankómsplaats van 'n etappe van Tour de France.
- De Europese kampioensjappe woorte hie in juli 2006 georganiseerd.
- De finishplaats van de Amstel Gold Race, 'ne jaorliks truukkómmende fietsrenklassieker, dae gebruuk maak van de sjtiel hellinge in de gemeinte, waor hie in 2003, 2004 , 2005 en 2006. 't Hellingspercentage van de Cauberg bedreug 12%. Neve de Cauberg zint: de Geulhemmerberg mèt 11%; de Barakkeberg mèt 14 % en de Keuteberg mèt 22% beruchde beklumminge.
[bewirk] Bekènde Valkebergersj
- Marc Lotz, gebore op 19 oktober 1973, waor 'ne bekinde Valkebergse fietsrenner, meh ies óntsjlage naodat hae betrap is op doping. In 2007 geit'r wir fietsrenne.
- Camiel Eurlings, gebore op 16 september 1973, ies tegewoordig (CDA)-minister van Verkièr en Watersjtaat. Ouch haet hae vreuger nog in de gemeinteraod van Valkeberg, in de Twiède Kamer en in 't Europees Parlement gezete.
- Marjon Lambriks, (gebore in Valkeberg in 1949), klassiek zangeres (sopraan)
[bewirk] Bezeenswaerdigheide
- Kesjtièl Sjaloen in Oud-Valkeberg (NL - Kasteel Schaloen)
- Kesjtièl Genhoes in Oud-Valkeberg ( NL - Kasteel Genhoes)
- kesjtièl Den Halder ( NL - Kasteel den Halder)
- Kesjtièl Oas (NL - Kasteel Oost)
- De Kloes op de Sjaatsberg bie Walem (NL- De Kluis op de Schaasberg)
- De Valkeneer in Brokem (NL - De Valkenier)
- Sjprookjesbos op De Nerem (NL - Spookjesbos)
- Wilhelminatore (NL - De Wilhelminatoren)
- Kesjtièl Sint Gerlach (NL - Château Sint Gerlach) in Sint-Gerlach
- Orchideeëtuin Gièlender bie Sjtröch (NL - Orchideeëntuin Gerendal) in Sjtröch
- kesjtièl Valkeberg ( NL - Burchtruïne )
- sjadsmoere en poorte ( NL - stadwallen en poorten )
- ouw sjtasie Valkeberg oet 1853 ( NL - Het oudste station van Nederland)
- Ouw watermeule op Sint-Pièter (NL - oude watermolen in de St. Pieterstraat)
- Franse meule (NL - Franse watermolen)
- Sjtreekmuseum Valkeberg (NL - streekmuseum)
- Casino op de Cauberg (NL - Casino)
- Thermae 2000, waermwaterbronne, op de Cauberg (NL - Thermae 2000)
- Mergelgrotte in Valkeberg, Geulem, Sub, (NL - Mergelgrotten)
- Sjteinkolemien (NL - Steenkolenmijn)
- Romeinse catacombe in De Plenkert (NL - Romeinse catakomben )
- Kaersjmert in de grotte saer 1986 (NL - Kerstmarkt in grotten)
- Kabelbaan en rodelbaan op De Nerem (NL - Kabelbaan en rodelbaan)
- Rotspark en Opelochtheater in De Plenkert (NL - Rotspark en openluchttheater)
- Lourdesgrot op de Cauberg (NL - De grot van Lourdes)
|
|
|
|---|---|
| Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild | |
| Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjuèmer | De Sjtoepert | Sjtraobaek | Sjtröch | Terbliet | Vroenhof | Walem | |
| Provincie Limburg | |
|---|---|
|
Árse en Velde | Baek | Baerge | Bezel | Bree | Broensem | Ech-Zöstere | Èèsjde | Gennep | Gulpe-Wittem | Haors aan de Maas | Heële | Helje | Kirchroa | Kessel | Lankgraaf | Leudaal | Maasgoew | Mael | Meersje | Mergraote | Mestreech | Mieëldere-Wânsem | Mook en Middelar | Ni-jwieërt | Nut | Óngerbenk | Remuunj | Roerdale | Sjènne | Stein | Valkeberg | Venlo | Venroj | Voelender | Vols | Wieërt | Zaerem | Zittert-Gelaen | Zumpelveld |
|
