Sinterklaos

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

---

Sinterklaos of Nicolaas van Myra, weurt es ‘ne heilige besjouwd, dae in de 4e ièw biesjop zou zin gewaes van Myra in Lycië. 'n Officieel heiligverklaoring ies van häöm nörges te vinge. Ziene fièsdaag vèlt op 6 december
‘ne Andere heilige Nicolaas van Pinara kaom ouch hie vandaan. Hae sjtorf in 564 in Lycië. .
Sinterklaos ies ouch de naam van 't volksfiès, dat plaats vingk op 5 en 6 december in Nederland, Belsj, Noord-Frankriek, Luxemburg in 't zuje en zuud-weste van Duutsjland, in Oasteriek, de Elzas, Lotharinge, Pole, Tsjechië en Zjwitserland.

[bewirk] Verièring

De verièring van Nicolaas begoes in Myra en in Constantinopel in de 6e ièw. Saer de 9e ièw in Roame en Italië en vanaaf de 10e in Duutsjland, Ingeland en Frankriek. In 1087 weurt zien gebeinte euvergebrach nao Bari in Zuud-Italië. Sinterklaos weurt de petroanheilige van kinger, sjeepsluuj, gevangene, bekkersj, handelaere, appetièkersj en van Amsterdam en Rusland.
In Valkeberg sjteit 'n kèrk oet de 13e ièw, mèt es petroanheilige Sinterklaos en Sinte Berb (Barbara).

[bewirk] Legendes

Dao ies sjpraoke van ’n Griekse legende euver de redding van drie ónsjöldig ter doad veroordeilde sjeepvaardersj en euver drie erm maedsjes, die van Sinterklaos sjtiekem geld krege, zoadat ze koeste trouwe. ’n Ander verhaol vertèlt dat Sinterklaos drie kinger wir tot leve haet gewek, naodat zie vanwege hóngersnoad vermaord waore. Sinterklaos weurt es de heilige van de onverhoup gooj gave gezeen.
Zien attribute: Gekleid es biesjop mèt sjtaaf, mieter en biesjopsrink; ’n koep mèt drie kinger d’r in; drie böl es symbool veur de broedssjat van de drie maedsjes of ’n sjeep of anker vanwege de redding van sjeepsvaardersj.
In sómmige legendes weurt euver Sjpanje gesjreve i.p.v. Zuud-Italië en de zjwarte (Moorse) knech Zjwarte Piet kump dao dan ouch bie ter sjpraoke.

[bewirk] Externe link