Egypte

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Egypte
Basisgegevens
Offesjeel taol	Arabisch
Hoofstad	Caïro
Staotsvörm	Rippebliek (dictatuur)
Staotshoof	Hosni Mubarak (sins 1981)
premier	Achmed Nazif
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	1.002.450 km² 0,6%
Inwoeners – Deechde:	76 miljoen (1 x x) 76/km²
Euverige
Munteinheid	Egyptisch pond (EGP)
Tiedzaone	UTC +2
Nationale fiesdaag	23 juli
Vouksleed	Biladi, biladi, biladi
Web | Code | Tel.	.eq | EGY | +20

Egypte (مصر, Misr of Masr in Egyptisch dialek), officieel de Arabische Rippebliek Egypte (جمهوريّة مصرالعربيّة) is e land in 't uterste noordooste vaan Afrika. 't Land bevat ouch de Sinaï-weuste, die al tot Azië gerekend weurt. Hoofstad is Caïro. De naom Egypte is vaan Griekse origine (op zien beurt weer 'n vervörming vaan Hu-ka-Ptah) en stamp al oet de aajdheid; 't land herbergde daan ouch ein vaan de ierste minseleke civilisaties. 't Land steit bekind es ein hoonderde kilometers lang oase in de Sahara-weuste die weurt gevörmp door de Niel.

Inhawd 1 Bestuurleke indeiling 2 Taole 3 Historie 4 Externe link

[bewirk] Bestuurleke indeiling

Egypte is ingedeild in 26 muhafazâh (gouverneminte), mèt ummer 'n groete stad es naomgever en centrum.

Alexandrië Aswan Asyut Al-Bahru l-Ahmar Bani Suwayf Al-Buhayrah Caïro Ad-Daqahliyah Dumyat

Al-Fayyum Al-Gharbiyah Al-Isma'iliyah Janub Sina' Al-Jizah Kafru sh-Shaykh Matruh Al-Minufiyah Al-Minyah

Port Saïd Al-Qalyubiyah Qina Shamal Sina' Ash-Sharqiyah Suhaj As-Suways Al-Wadiyyu l-Jadid

[bewirk] Taole

Volkstaol vaan zoe good wie de ganse bevolking is Arabisch, in de Egyptische variant (de intellectuele spreke wel MSA). Aander taole weure veural door immigrante gesproke, wie Ingels en Frans. In de zeventiende iew of later is 't Koptisch, de imheimse taol vaan Egypte, oetgestorve geraak. Dees taol leef wel nog door es de taol vaan de Koptische Kèrk.

[bewirk] Historie

• Ajadheid

In 't veerde millennium veur Christus vörmde ziech in de Nielvallei 'n besjaoving, die roond 3200 v. Chr. door farao Menes tot ein staot vereineg woort. In dit land oontstoont e sjrif, oetgebreide steidebouw, handel, en expansie, die op 't eind tot in Palestina reikde. Nao de opkoms vaan 't Perzisch Riek kós Egypte ziech neet mie handhave en in 341 v.Chr. veel de Daartegste dynastie door de Perzischen inval. Later kaom 't land in Griekse (zuug Ptolemeeë), Romeinse, Byzantiense en weer Perzische han.

• Middelieuwe en Törksen tied

In de zevende iew vele de Arabiere Egypte binne, die d'n Islam brachte, 't Arabisch introduceerde en Caïro stiechde. In 1250 stiechde de Mamloeke, 'n lokaal dynastie, 'n eige Egyptische staot, los vaan 't kalifaat. Dit land bleef bestoon tot 1517 wie de Osmaanse Törke binnevele en 't land mie es drei iewe zouwe regere. 't Land waor sjatpliechteg aon de sultan, zoelaank me vaanoet Istanbul 't land nog kós controlere.

• Modernen tied

Wie in de achtiende en negentiende iew de mach vaan 't Osmaans Riek verzwakde begóste westerse machte invlood op 't land te kriege. In 1869 woort 't Suezkenaal geopend, gefinancierd door Franse geldsjeters. In 1882 bezat 't Vereineg Keuninkriek 't land, allewel tot 't formeel tot 't Osmaans Riek bleef hure, tot in 1914 d'n Ierste Wereldoorlog oetbraok. In 1922 woort 't groetendeils oonaofhenkelek. Vaan 1924 tot 1936 had 't land 'n westers georiënteerde constitutie en 'n liberaal regering. In 1953 woort de Rippebliek Egypte oetgerope. 'n Initiatief um alle Arabische staote tot ei land te vereinege mislökde; vaan 1958 tot 1961 vörmde 't allein mèt Syrië de Vereinegde Arabische Rippebliek.

In 1981 kaom Hosni Mubarak aon de mach, dee veur 'n gemateg boetelandse polletiek zörgde (heer bemiddelde dèks tösse de Israëli's en Palestijne), meh in eige land oonder greujende kritiek kaom te stoon. In 2005 beloufde heer democratische verkezinge.

[bewirk] Externe link

• Hollandstaolege startpaasj veur Egypte

Len in Afrika
Algerieë | Angola | Benin | Boeroendi | Burkina Faso | Centraal Afrika | Comore | Djiboeti | Egypte | Equatoriaal Guinee | Eritrea | Ethiopië | Gabon | Gambia | Ghana | Guinee | Guinee-Bissau | Ivoorkös | Kaapverdië | Kameroen | Kenia | Kongo (Brazzaville) | Kongo (Kinshasa) | Lesotho | Liberia | Libië | Madagaskar | Malawi | Mali | Marokko | Mauretanië | Mauritius | Mozambiek | Namibië | Niger | Nigeria | Oeganda | Roeanda | São Tomé en Príncipe | Seisjelle | Senegal | Sierra Leone | Soedaan | Somalië | Swaziland | Tanzania | Togo | Tsjaad | Tunesië | Westelike Sahara1 | Zambia | Zimbabwe | Zuud-Afrika
Aafhenkelike gebejer: Azore | Canarische eilen | Ceuta | Madeira | Mayotte | Melilla | Réunion | Sint-Helena
1. Sins 1979 door Marokko bezat.