Elzas

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

---

Vaendel van Alsace

Ligking van Alsace

De of d'n Elzas (Frans: Alsace, Duutsj: Elsaß, Elzassisch: Elsass) ies 'ne regio in noord-oas Frankriek op de grens mèt Duutsjland en Luxemburg. 't Geuf 2 departemente in de Elzas (Alsace), namelek: Bas-Rhin en Haut-Rhin. Daoneve höbbe die departemente 13 arrondissemente, die vervolges wir besjtoon oet 75 kantons. Tensjlotte geuf 't 903 gemeintes in de Elzas. De hoofsjtad ies Sjtraasburg.

Historie en taal

In de Elzas sjpreke ze Elzasser dialek (wat truuk geit op 't Platduutsj) en Frans. Dit kump umdat de Elzas al ièwe lank is gewisseld tusje Frankriek en Duutsjland. Hiedoor geuf 't allewiel 'n miesjmasj van de Rienlandse cultuur en de Oas-Franse cultuur. De litste kièr dat de Elzas nog van land verwisseld ies, ies gaar neet lank geleije, namelek in 1945, wie 't van Duutsj nao Frans ging.

Geografie

De Elzas ies 8.280 km² groat en dao wone 1.859.558 luuj volges de census van 2007. Daomèt haet 't 'n inweunersjdiechheid van 225/km². Veur 't groatste gedeilte huèrt de Elzas bie de Bove-Riense Liègvlakte, meh e gedeilte besjteit oet 't bergland van de Vogeze.

Aangrenzende regio's

• Lotharinge (Lorraine) - weste
• Franche-Comté - weszuje
• Rienland-Palts, Duutsjland - noorde
• Baden-Württemberg, Duutsjland - oaste
• Duutsje kantons, Zjwitserland - oaszuje

Sjtae

Neve de hoofsjtad, Sjtraasburg, geuf 't nog 'n aantal ander sjtae in de Elzas. De belangriekste zin:

• Mulhouse
• Colmar
• Selestat

Wien

De Elzas ies 'n ouw wiensjtreek, de Romeine sjtartde de wienboew. Bekènde droeve zint de Riesling, de Pinot blanc en de Gewürztraminer. De wiendörper zint geliek toeristische attracties, dao ies o.a. väöl vakwerk bewaard gebleve en/of gerestaureerd. Bekènde plaatse zint o.a. Riquewihr, Eguisheim, Obernai, Kaisersberg, Ribeauvillé.