Namesdaag

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Namesdaag ies binne 't Katholiek gelouf de viering van de sjterfdaag van 'ne petroanheilige. Veurbeelde zin: Franciscus op 4 oktober, Hubertus op 3 november, Gerardus op 24 september, Elisabeth op 19 november, Theresia van Lisieux op 1 oktober of 15 oktober, Maria-Magdalena op 22 juli , Sinterklaos op 6 december enz.

Es emes drager ies van 'ne veurnaam, dae 't zelfde ies of 'n aafkorting van eine bepaalde heilige, ouch waal petroanheilige geneump, woort op dae sjterfaag ziene of häöre namesdaag gevierd. 'n Oetzóndering ies Sint Jan of Johannes de Duiper. Daovan weurt de geboortedatum gevierd en dae ies 24 juni. In de jaore 70 van de 20e ièw ies de viering van de namesdaag in ónbroek geraak. De verjäördaag van de eige geboorte krieg saer dan alle aandach.

Kèrmes ies 'n jaorliks truukkómmend fiès, dat dèks gevierd weurt ter gelegenheid van de namesdaag van de petroanheilige van 'n parochiekèrk.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Namesdaag&oldid=338302"