Sinterklaos (fiès)

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Sinterklaos en Zjwarte Piet

Sinterklaos, andere naam veur (Sint Nicolaas), ies 'n volksfiès, dat plaatsvingk op 5 en 6 december in veural Nederland, Belsj, Noord-Frankriek en Luxemburg. Ouch in 't zuje en zuud-weste van Duutsjlaand, in Oasteriek, de Elzas, Lotharinge, Pole, Tsjechië en Zjwitserland weurt Sinterklaos op dees daag gevierd.[1] Door emigrante ies ’t in Amerika mètgenómme en door de plaatselike (Ingelsj)sjprekende bevolking euvergenómme es 't fiès van Santa Claus. Sinterklaos ies 'n folklore, veural veur kinger, die nog 'geluive'.

Folkore in Nederland[bewirk | brontekst bewerken]

Naodat de intoch in land, sjtad of dörp ies gewaes maoge de kleinekes saoves hunne sjoon zètte. Dao-in zölle ze dan sjmörges sjloek of 'n klein cadeautje vinge, gebrach door Sint of Piet. De daag veur of op ziene fièsdaag deilt Sinterklaos cadeautjes oet of lièt ze bezörge in 'ne zak.
Dao were traditioneel Sinterklaosleedsjes gezónge. Sinterklaos riejt op 'n wiet peerd (sjummel) euver de daker en weurt geholpe door ziene knech Zjwarte Piet. In 't gans gebeure weurt ouch 'n pedagogisch element verwèrk: 'sjtoute kinger' zölle ze gerammeld kriege mèt de roe van Zjwarte Piet en Sinterklaos maak aanteikeninge euver ederein in zien diek book en zal dat ouch ter sjpraoke bringe.
5 December saoves vingk de pekskesaovend plaats. Groate luuj geve ziech ónder ein (fop)cadeautjes en surprises, dèks vergezeld van Sinterklaosgediechte op riem. Op 6 december, de verjäördaag van de Sint geneump, meh eigelik ziene namesdaag, vinge kinger cadeautjes in hunne sjoon.

Sinterklaossjloek[bewirk | brontekst bewerken]

Veurbeelde van traditionele Sinterklaossjloek zint: marsepien, bankètsjtaaf of -lètter, sjoekelate lètter, pepernote, kroednote, peperkokemennekes (taaitaai), sjuumkes, sjpeculaaspoepe en mandariene (eppelkes van oranje).

Ander name[bewirk | brontekst bewerken]

  • Nicolaus, Klaus en Nikkel in Duutsjtalige gebiede
  • Saint Nicolas in Franstalige gebiede

Verwante persone[bewirk | brontekst bewerken]

Santa Claus en kaersjman.

Referentie[bewirk | brontekst bewerken]

  1. Wörterbuch der Deutchen Volkskunde, 1974, Kroner Verlag ISBN 3-520-12703-2
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sinterklaos_(fiès)&oldid=359117"