Berg (Valkeberg)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Aan de Sjoane Pool in Berg: haof van mergelsjtein 2003

Berg is e dörp in de gemeinte Valkeberg en 'n kern van Berg en Terbliet, dat bis 1982 'n zelfsjtendige gemeinte waor. Berg waor bis de Franse revolutie 'n zelfsjtendige hièrlikheid

In 1981, veurdat Berg en Terbliet bie de gemeinte Valkeberg ingelief weure, versjient 'r 'n 500 pagina's tèllend naosjlaagwerk euver de dan veurmalige gemeinte. De auteursj heisje: Victor Klaessen, A. Houben, H. Raeven en H.Schols.

Bezeenswaerdig

Kèrk

De kèrk van Berg is geboewd in de jaore daartig van de 20e ièw en is ontworpe door de arsjitekte Frits Peutz en W. Sprenger. Ze is gewiejd aan Monulphus en Gondulphus. De kèrk, van mergel, is in neogotische sjtiel geboewd. 't Opvallendste element zint de sjleutellookvörmige vènstere. Berg houw al veur de boew van de tegewoordige parochiekèrk 'n ander kèrk, meh die laog op 'n ander plaats, namelik Op de Bies. De ouw kèrk woort gesjlote in de Franse revolutie en aafgebraoke in 1959. In dat oud gedeilte van Berg lik ouch de Sjoane Pool woa vreuger 'ne drinkpool gelaege haet. Dae is gedemp. Rónd 't tegewoordige graaspleintsje sjtaon 'n paar ouw häöf geboewd van mergel.

Gebaore in Berg

• Lei Molin (1920-1977), kunssjilder.
• Gerhard Casimir Ubaghs (1800-1875), theoloog

Dialek

't Dialek van Berg is bekans geliek aan 't Valkebergs (Boete de paorts).

Dörpsvereiniginge

• Dameskoar Berg en Terbliet
• Sjötterie het Nachtwachtgilde
• Sjötterie Monulphus en Gondulpus
• Harmonie "Concordia" Berg en Terbliet
• Carnavalsvereiniging de Foekepöt
• Carnavalsvereiniging de Spoetnikkersj
• Scouting St. Monulphus

Externe link

• Harmonie Concordia