Museum

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Louvre in Peries is ei vanne grótste en bekèndjste museum oppe welt.

E museum is 'n instèlling wo wuuertj gezörg veur 'n vergaoring aan veurwirper (artefakte) die döks mit weitesjap, cultuur, kóns of gesjiechte in verbandj gebrach waere. In e museum waere dees veurwirper döks ouch besjikbaar gemaak zoeadet 't vouk die kan bezichtige (permanent of tiejelik). Väöl grótter musea ligken inne groeate stei euvere ganse welt en mieë lokaal gebaseerdje musea (streekmusea) vindj me trögk in kleinder stei en zelfs op 't plattelandj. Musea höbbe versjillige doele: van 't toet deens staon van óngerzeukers en specialiste toet 't algemein vouk (inne vörm van vermaak beveurbeildj). De continu-doorgäöndje digitalisatie van informatie, same mitte toenummendje capaciteit van digitaal informatie opslaon, zörg d'rveur det 't traditioneel model van musea ('n statische "vergaoring van vergaoringe" van driedimensioneel exemplaren en artifakte) oetbrèdj nao ouch virtueel tentuuenstèllingen en hoeag-resolutiebiljer vanne vergaoring veur studie en verkènning via 't internet. De stad mitte meiste musea is Mexico-stad mit mieër es 128 musea.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Museum&oldid=356346"