Terbliet

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Mergelhaof in Terbliet

Terbliet (Nederlands Terblijt) ies 'n gehuch, mèt ongevaer 200 inweunersj, gelege in 'n dal ten zuje van Berg in de gemeinte Valkeberg a/d Geul. In de 80-jaorige oorlog zint in Terbliet bekans alle hoezer verinneweerd gewore, mèt 't gevolg dat in 1641 nog mer eine mannelike inweuner euver waor. Tot 1796 waor 't 'n vrie riekshièrlikheid.

Veur de herindeling van de gemeintes in 1982 woort Terbliet ummer in eine aom mèt Berg geneump es Berg en Terbliet. In 1981, veurdat Berg en Terbliet bie de gemeinte Valkeberg ingelief weure, versjient 'r 'n 500 pagina's tèllend naosjlaagwerk euver de dan veurmalige gemeinte. De auteursj heisje: Victor Klaessen, A. Houben, H. Raeven en H.Schols.

De luuj van Terbliet huère noe nog ummer bie de parochie Monulphus en Gondulphus in Berg en veur ander veurzeninge, zoawie sjoal, winkelsj, cafés en vereiniginge zint ze ouch op dees plaats aangeweze. Op diverse krusinge sjtoont iezere waegkruzer en dao bevinge ziech 'n paar groate, gesjlote (mergele) häöf. Aan de Muntwaeg liek 'n vakwerkhoes en 'n oud pöthuuske.

'n Paar ouw veldname: Op d'n doaje man, t Pötveldsje en de Kruussjteinwaeg. Dae lètste waeg kump van 't Gastes langs 'n Romeinse begraafplaats, de Wyperse Hei, en löp dan euver Berg nao Houtem en wiejer.

 
Gemeinte Valkeberg aan de Geul
Flag of Valkenburg aan de Geul.svg
Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild
Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjuèmer | De Sjtoepert | Sjtraobaek | Sjtröch | Terbliet | Vroenhof | Walem
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Terbliet&oldid=338315"