Kapel (geboew)

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Mariakapel op de krusing in Walem.

'n Kapel (van 't Latiense woord cappa = mantel) ies 'n vriesjtaond geboew of gebuuwke, woain ziech 'n altaar mèt 'n kruusbeeld of 'n beeld van 'ne heilige bevingk. Ein kapel(ke) ies 'n plek veur devotie. De bezeuker sjtiek 'n keertske aan en zaet 'n gebed es dank veur 'n verkrege guns of veur 't vinge van houp, innerleke rös, sjterkde en mood in probleemsituaties.

Waegkapel[bewirk | brontekst bewerken]

Kapelke in Sjoppem mèt 'n kruusbeeld.

Dèks ies zoan kapel geplaats op krusinge van waeg. Dat zint de veld- of weegkapelkes, te vergelieke mèt 't eenvoudiger veldkruus of weegkruus, meh ouch gesjtiech es baeplaats veur de plaatselike bevolking. 'n Kapel kèn gewiejd zin aan 'ne heilige, ze dreug dan ouch de naam van dae heilige. De meiste kapelkes, veural te vinge in 't zuje van Limburg, zint gewiejd aan Maria. Ander heilige in minder maote zoa-es: Anna, Hubertus, Jozef, Rochus, Antonius, Heilig Hart, Gerlachus, de Heilige Familie, Sint-Jan.

Kaersjsjtal in kapel[bewirk | brontekst bewerken]

Rónd de Kaersjdaag ies 't gebrukelik um in kapelkes 'ne kaersjsjtal in te riechte. 't Oarsjprónkelik heiligebeeld weurt dan meistal aafgedèk um tiedelik plaats te make veur 'ne oetgebreide kaersjgroep.

Ander kapelle[bewirk | brontekst bewerken]

Waegkapelke in Sjtraobaek gewiejd aan de Heilige familie
  • Es in 'n groate kèrk of kathedraal 'n apaarte ruumde ies gemaak mèt 'n eige altaar hèt dat ouch 'n kapel. Dees zint dèks gewiejd aan 'ne bepaalde heilige. Zuug hieveur kapel (deil van geboew). De ruumdes veur ièredeenste in hospitale, sjoale en kloastersj drage ouch de naam kapel.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kapel_(geboew)&oldid=343775"