Kabinet-Balkenende IV

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De coalitie boe-op Balkenende IV steunt

't Kabinet-Balkenende IV waor e kabinet vaan Nederland vaan 22 februari 2007 tot 14 oktober 2010. 't Kabinet beröste op 'n coalitie vaan CDA, PvdA en ChristenUnie. Sinds de nach vaan 19 op 20 februari 2010 waor 't kabinet demissionair.

Formatie[bewirk | brontekst bewerken]

Nao de verkezinge veur de Twiede Kamer vaan 22 november 2006 waor de kamer sterk verdeild tösse linkse en rechse partije en waore de meugelekhede veur 'n coalitie beperk. E kabinet mèt CDA en PvdA laog evels wel wiedoet 't meiste veur de haand; zaak waor 'n daarde partij debij te vinde die veur 'n mierderheid kós zörge. Veural de PvdA stuurde aon op 'n coalitie mèt de SP. Nao korte oonderhandelinge oonder auspicië vaan Rein Jan Hoekstra bleek tot CDA en SP ziech oonderein neet verdroge en lepe de oonderhandelinge kepot. Nao 't keersrecès, op 3 januari 2007, begós me oonder leiing vaan CDA'er Herman Wijffels aon oonderhandelinge tösse CDA, PvdA en de ChristenUnie, die achter geslote deure geveurd woorte. Dit leide relatief snel tot e regeerakkoord, wat op 6 februari definitief goodgekäörd woort. Keuningin Beatrix beneumde Balkenende dao-op tot formateur. Op 14 februari waore alle ministers en staotssecretaire bekind. Opvallend waor tot bij 't CDA veural lui mèt ervaring in de lendeleke politiek woorte oetgekoze, dewijl de PvdA veural lui vaan boete D'n Haag aontrok.

't Motto vaan 't kabinet luit Samen werken, samen leven. 't Beleid wie 't in 't regeerakkaord is aofgesproke is gemaoteg links en brik dudelek mèt 't liberaol beleid vaan zoewel de twie kabinette Kok es de ierste drei kabinette Balkenende.

Bezètting[bewirk | brontekst bewerken]

Dao zien zestien ministers en elf staotssecretaire. 't CDA heet ach ministers en veer staotssecretaire, de PvdA zes ministers en zes staotssecretaire, de ChristenUnie twie ministers en eine staotssecretair.

Ministers[bewirk | brontekst bewerken]

Jan Peter Balkenende Minister van Algemein Zake, premier CDA
Wouter Bos Minister van Financië, vicepremier PvdA
Maxime Verhagen Minister van Boetelandse Zake CDA
Ernst Hirsch Ballin Minister van Zjustitie CDA
Guusje ter Horst Minister van Binnelandse Zake en Keuninkrieksrelaties PvdA
Ronald Plasterk Minister van Oonderwies, Cultuur en Weitesjap PvdA
Eimert van Middelkoop Minister van Defensie CU
Camiel Eurlings Minister van Verkier en Waterstaot CDA
Maria van der Hoeven Minister van Economische Zake CDA
Gerda Verburg Minister van Landbouw, Natuur en Voedselkwaliteit CDA
Piet Hein Donner Minister van Sociaol Zake en Werkgelegeheid CDA
Ab Klink Minister van Volksgezoondheid, Welzien en Sport CDA
Jacqueline Cramer Minister veur Miljeu (VROM) PvdA
Bert Koenders Minister veur Oontwikkelingssamewèrking (z.p., BuZa) PvdA
Ella Vogelaar Minister veur Woene, Wieke en Integratie (z.p., VROM) PvdA
André Rouvoet Minister veur Jäög en Gezin (z.p., VWS), vicepremier CU

Staotssecretaire[bewirk | brontekst bewerken]

Plaetjes[bewirk | brontekst bewerken]

Verloup[bewirk | brontekst bewerken]

De verhaajding tösse veural CDA en PvdA waor altied al oongemekelek, meh verslechterde tege 't ind vaan 2009. Gesjèlpunte waore 't rapport-Davids euver de Nederlandse steun aon d'n Twiede Golfoorlog (oonder 't kabinet-Balkenende II) en 't al of neet verlènge vaan de militair missie in Afghanistan. De PvdA waor tege 't lèste, dewijl veural de ministers vaan 't CDA daoveur waore. Euver allebei de oonderwerpe woorte in januari en februari 2010 lang oonderhandelinge geveurd; bij 't thema Afghanistan lökden 't neet um droet te koume. De bewindslui vaan de PvdA stapde dao-op oet 't kabinèt. In de week nao 20 februari woort beslote gei roomp-kabinèt te vörme (wie Balkenende III dat waor), meh demissionair door te goon mèt de aongebleve bewindslui vaan CDA en ChristenUnie. Nui verkezinge stoon veur 9 juli gepland.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kabinet-Balkenende_IV&oldid=354418"