Vroenhof (Houtem)

Van Wikipedia
Naar navigatie springen Jump to search

Dit artikel is begós in 't Houtems. Laes hie wie v'r mit de versjillende saorte Limburgs ómgaon.


Teurentsje van de kloasterkapel in Vroenhof

Vroenhof is 'n wiek in 't westelek deil van Houtem in de gemeinte Valkeberg a/d Geul. De naam sjleit op vroon en beteikent domein of haof van de hièr. 'ne Vroner waor 'ne pachter. De haof besjteit al in 1272. Nao 'n verboewing weurt 't in 1927 'n kloaster van de orde van St. Josef. Dit is woa noe 't zörgcentrum Vroenhof, gesitueerd lik. Dao zou in de 12 ièw ouch 'n kapel höbbe gesjtange, die huèrde ónder de proosdiekèrk van Meersje. Op dees plek sjteit later de 1e parochiekèrk van Houtem. Noe haet die de functie van kloasterkapel, want in1806 weurt de kèrk van 't kloaster Sint-Gerlach de parochiekèrk. Tegeneuver de hudige kapel van 't zörgcentrum, aan de Putwaeg, sjteit 'n houte waegkruus mèt crucifix. Aan dit kruuspunt lik 't veurmalig Habetssteen (geneump nao 'ne eigenaer Habets), 'ne mergele carréhaof. Hae is in 2012 gerenoveerd tot appartementegeboew.

Romeinse waeg[bewirk | brón bewèrke]

Ónder de Putwaeg en in de baende van de Geul, zint in de jaore 30 van de 20e ièw reste van 'ne Romeinse waeg (Via Belgica) opgegrave. Deze waeg leep van Boulogne-sur-Mer, Tóngere, Mestreech, Vroenhof, Walem, Heërle, Rimburg nao Kölle. De Putwaeg weurt ouch waal Kamp geneump. De naam zou wieze nao hièl vreug bewoning.

Bezeenswaerdig[bewirk | brón bewèrke]

Carréboerderie De ouw pastorie oet de 17e ièw

De Pletsjbaek, ouch waal Drinkbaek of Sjtassebaek geneump, sjtruimp langszie richting de Geul. In de buurt sjteit 'n kapelke oet 1932 gewiejd aan de Sint Maarten, de vreugere petroanheilige van Houtem.

Aan de waeg Vroenhof bevingk zich de St. Maartenshaof. De vreugere vakwerkhaof, kreeg in 1699 'n mergele veurgevel. De poort sjtamp oet 1727. Deze veurmalige haof is de de lètste woonplek van Frans Erens, 'ne Nederlandse sjriever, gebaore 1857 in Sjaasberg, gesjtorve in 1935). Ouch de kunssjilder-glazeneer Jacques Vonk haet d'r jaorelank gewoond.
In Hoes Gurtsenich (neo gotisch), woont saer 1985 kunssjilder Frits van der Zander (gebaore in Sjinveld in 1948).
In de mergele carréboerderiej geseerd mèt 2 voluutgaevele de ouw Pastorie oet de 17e ièw, woont nao 1966 'ne generaal van de AFCENT, Sir Edmund Hudleston. 't Landgood krig dan de naam Huis der grenadiers.

 
Gemeinte Valkeberg aan de Geul
Vaan van Valkenburg aan de Geul
Dörper: Berg · Brokem · Houtem · Oud-Valkeberg · Sjin op Geul · Sub · Valkeberg · Vild
Buurtsjappe en gehuchte: Boete de Paort · D'n Emmaberg · Geulem · De Hièk · De Hièkerbeek · Haersjtraot · Iezere · Ingwege · Keuteberg · De Nerem · Oas · De Plenkert · Sint Gerlach · Sint-Pièter · Sjuèmer · De Sjtoepert · Sjtraobaek · Sjtröch · Terbliet · Vroenhof · Walem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vroenhof_(Houtem)&oldid=320022"