De Nerem

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Nerem Valkeberg 2005

De Nerem (Nederlands Neerhem) ies 'n buurt in Valkeberg aan de weeg nao Oud-Valkeberg. 't Woord Neerhem ies samegesjtèld oet neer (lièg) en heim. 'ne Andere naam van 'ne haof bie de Goudsberg ies Euverem. Dat ies 'n hoager gelege heim of nederzètting. Toch kalle de luuj in Valkeberg van op de Nerem, umdat de hoezer enigszins in 'n helling liegke.

De sjtraot die Neerhem hèt, begint bie de Valkebergse Berkelpoort. D'n Dwingel, 'n oetgegrave weeg aan de oaskant van 't hoaggelege Kesjtièl Valkeberg, kump hie mèt 'ne trap bie die sjtadspoort oet. De Nerem ies aan weerszie beboewd mèt väöl mergele hoezer, woavan d'rsj sómmige vreuger boerderiej zint gewaes. Dao bevingk ziech ouch de ingank van de Kabelbaan, die bezeukersj nao de hoaggelege Wilhelminatore bringk. Hie bevingk ziech ouch de Wilhelminagroeve, 'n mergelgrot. Dae tore, oet 1906, ies op ziechzelf 30 maeter hoag en vanoet zienen tuup haet me 'n wieds oetziech euver gans Zuud Limburg. Get wiejer op liek tegen 't gebösjke 't parkhotel Rooding dat in vreuger jaore deens haet gedoon es 'n Kuurhoes en es 'n kloaster. Dao achter ies de ingank van 't Sjprookjesbos en dao tegeneuver löp 'n paedsje nao de hellingbösj mèt de naam de Biejebösj.

Aan de euverkant ies in 2007 'n ganse nuuj woonwiek geboewd op de wei van Friens. De mergele boerderie van Friens ies toen geliek gerenoveerd.

't Kluèsterke Regina Pacis, woa-in sjlotzuustersj wone van de orde van de Benedictenesse, ies gesitueerd tege de Biejebösj aan en dateert van 1960. In de beemde dao-tegeneuver bevingk ziech 't 'Geulsjtrand'.

 
Gemeinte Valkeberg aan de Geul
Flag of Valkenburg aan de Geul.svg
Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild
Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjuèmer | De Sjtoepert | Sjtraobaek | Sjtröch | Terbliet | Vroenhof | Walem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Nerem&oldid=338498"