De Hièk

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


'n Rieke mergele hoezer in De Hièk

De Hièk (Nederlands: Heek), ies 'n gehuch in de gemeinte Valkeberg aan de Geul, gelege in versjpreide en lintbeboewing langs de groate weeg nao Klumme. Tot 1940 huèrden 't bie de gemeinte Sjin op Geul. 'n Klein gedeilte vèlt noe ónder Klumme in de gemeinte Voelender. De gemeintegrens löp parallel aan de Hellebeukerweg. Get hoager op 't plateau liek 't vakantiepark de Hellebeuk en 't gehuch De Euverhièk.
Door De Hièk sjtruimp de Hièkerbeek, die hie in de buurt zien brón haet. Ze löp wiejer via 't gelieknamige buurtsjap De Hièkerbeek, door Sint-Pièter riechting Geul.
'ne Vreugere naam ies g'n Hièk. De naam kump waarsjienlik van 'ne kesjtièlhaof Hièk, dae umsjlote zou zin gewaes mèt 'n hièk (hèk, hègk of bösj).
In 't buurtsjap liegke 'n rieke mergele hoezer, 'n deil mergele häöf (o.a.t Boerehöfke), 'ne vakwerkhaof (Hièkerhöfke) en de baksjteine carrévörmige Hièkerhaof. Op 'n krusing mèt 'ne sjtiele holle waeg nao D'n Emmaberg sjteit 'n sjmeediezere waegkruus.

 
Gemeinte Valkeberg aan de Geul
Flag of Valkenburg aan de Geul.svg
Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild
Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjuèmer | De Sjtoepert | Sjtraobaek | Sjtröch | Terbliet | Vroenhof | Walem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Hièk&oldid=338476"