Sjtröch

Van Wikipedia
Gank nao: navigatie, zeuke

Dit artikel is gesjreve in 't Sjtröchs. 't Weurt gewaardeerd óm in dit artikel 't Sjtröchs aan te hauwe of aan te gaeve welk anger dialek gebroek is.


Sjtröch 2005

Sjtröch (Nederlands: Strucht) is e gehuch in de gemeinte Valkeberg in Zuud Limburg. Sjtröch lik aan d'r provinciale waeg tösje Oud-Valkeberg en Sjin op Geul en weurt tegewoordig dèks besjouwd es 'n ónderdeil va Sjin.

In 1383 woort Sjtröch verhaeve tot 'n eige hièrlikheid. D'r hièr va Kesjtièl Sjaloen neumde zich hièr va Sjtröch. Bis 1795 waor Sjtröch 'n hièrlikheid. Ónder Napoleon kaom Sjtröch bie 't kanton Valkeberg, meh vanaaf 1800 woort 't 'n zelfsjtendige gemeinte. Op 1 januari 1878 huèrt 't gehuch bie de gemeinte Sjin op Geul, die later opgeit in de gemeinte Valkeberg aan de Geul.

Ziewaeg in Sjtröch zint:

  • d'r Lutewaeg, 'ne holle waeg en ouw route nao Luuk.
  • De Grachsjtraot. Aan 't veursjte gedeilte bevinge zich aan beids kante hoezer, aan ein zie hoag taege de helling.

Wiejer door geit de grach euver in 'n gröb of holle waeg, richting Sjuèlder en Ingber. Aan 't ing van de beboewing lik d'r Soesberg.

Bezeenswaerdig[bewirk | brontekst bewerken]

  • Langs d'r waeg Sjtröch lik, in lintbebeboewing, 'n aantal ouw häöf geboewd in mergel of gecombineerd mergel-baksjtein.
  • D'r Sousberg
  • Tösje Sjtröch en 't dörpke Sjuèlder, gemeinte Gulpe-Wittem bevingk zich 't landsjapspark-natuurreservaat de Gièlender (Gerendal), woa-in 'ne orchideeëtuin gelege ies.
  • Midde in 't gebeed sjteit 'n pöthuuske geneump d'r Sjaopspöt.

Dörpsvereiniginge[bewirk | brontekst bewerken]

  • Sjötterie Sint Mauritius
  • Voetbalclub Sjtröchter boys

Extern links[bewirk | brontekst bewerken]

 
Gemeinte Valkeberg aan de Geul
Valkenburg ad geul flag.png
Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild
Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjuèmer | De Sjtoepert | Sjtraobaek | Sjtröch | Terbliet | Vroenhof | Walem
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjtröch&oldid=337819"