Bangladesh

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Bangladesj
Basisgegaevens
Officieel taal	Bengaals
Huidsjtad	Dacca
Sjtaotsvörm	Rippebliek
Sjtaotshoof (lies)	Abdul Hamid (sinds 2013)
Premier	Sheikh Hasina Wazed
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	147.570 km² 6,4%
Inwoeners – Deechde:	171,7 miljoen (2016) 1.319/km²
Biekómmende gegaeves
Munteinheid	Taka (BDT)
Tiedzaone	UTC +6
Nationale fiesdaag	10 december
Vouksleed	Amar Sonar Bangla
Web | Code | Tel.	.bd | BCD | +880

Bangladesh (গণপ্রজাতন্ত্রী বাংলাদেশ, Gana Prajatantri Bangladesh) is e land in Zuidoos-Azië aon d'n Indischen Oceaan; wijer bekans gans begrens door India en veur de res door Burma. Hoofstad is Dacca (offesjeel Dhaka), ander stei zien Chittagong en Khulna. 't Land is hendeg waterriek en hiel vruchbaar, meh euverbevolk en erm.

Bestuurleke indeiling

Bangladesj is in zès districte opgedeild, die allemaol nao hun hoofstad geneump zien.

• Barisal
• Chittagong
• Dacca
• Khulna
• Rajshahi
• Sylhet

Taole en cultuur

Bengaals is de offesjeel taol, aanders es in India en Pakistan, boe ouch, jao veural, Ingels offesjeel is.

De Vedische cultuur heet in Bangladesj mer wieneg spore achtergelaote, umtot 't neet hindoeïstisch meh islamitisch is.

Historie

Bangladesj, Oos-Bengale maakde lang deil oet vaan de versjèllende Indiase rieke. In de daartiende iew brachte Perzische missionaire d'n Islam denao tow. Woersjienlik is zjus 't land um de Ganges- en Brahmaputra islamitisch gewore door zien strategische ligking aon d'n doorgaank tösse de Himalaya en d'n Indischen Oceaan vaan Veur- nao Achter-Indië.

Es ei vaan de ierste gebejer woort Oos-Bengale, eind achtiende iew, door de Britte bezat. Nao 150 jaor vaan euverheersing woort bij de Indiase oonaofhenkelekheid vaan 1947 bij Pakistan ingedeild. Wie in 1955 de naom vaan 't land vaan Oos-Bengale in Oos-Pakistan veranderd woort zat dat väöl koed blood. In 1971 verklaorde 't land ziech oonaofhenkelek en nao 'nen oorlog vaan e paor maond, boe-in naoberland India ziech aon de kant vaan de Bengale sjaarde, woort die oonaofhenkelekheid erkind. Sjeik Mujibur Rahman woort de leier vaan 't land, meh in 1975 woort 'r door e paar officiere vermaord en begós de militair dictatuur, die tot 1990 doorde. Sinsdeen is 't land min of mie democratisch.