Libanon

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Libanon

Vlag van Libanon

Waope van Libanon

Lokasie van Libanon

Basisgegaevens
Officieel taal Arabisch, Frans
Hoofsjtad Beiroet
Sjtaotsvörm Rippubliek
Sjtaotshoof (lies) Michel Aoun
premier Saad Hariri
[[{{{titelhoofregering1}}}]] {{{naomhoofregering1}}}
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie {{{religie}}}
Opperflaakde
– % water
10.452 km²
1,6%
Inwoeners
Deechde:
6.184.701 (2015)
560/km²
Biekómmende gegaeves
Munteinheid Libanees poond (LBP)
Tiedzaone UTC +2
Nationale fiesdaag 22 november
Vouksleed Kulluna Lilauatân Lil Ûla Lil Alâm
Web | Code | Tel. .lb | RL | +961

Libanon (Arabisch: لبنان, Libnān; Frans: Liban) is 'n Aziatisch land in 't Midde-Ooste, aon de Middellandse Zie. In 't noorde en ooste weurt 't begrens door Syrië, in 't zuie door Israël. De hoofstad is Beiroet, de twiede stad is Tripoli. De ceder is de nationale boum vaan Libano en is trök te vinde in 't waope en de vlag.

Bestuurleke indeiling[bewirk | brón bewèrke]

Libanon is ingedeild in zes gouverneursjappe en 25 distrikte. De gouverneursjappe zien:

Demografie[bewirk | brón bewèrke]

De belaankriekste relizjies vaan Libanon

Libanon is e zier divers land, wat betref relizjie en etniciteit. De moslims make zoen 54% vaan de bevólking oet, christene 40,5% en euverege 15%. In 't land weure achtien relizjies erkind. 't Geit um mie es twelf christeleke kèrke, boevaan de Maronitische Kèrk ein van de groetste is. Daoneve gief 't versjillende islamitische strouminge: 't soennisme, 't sjiisme en de alawiete. De Druze leve veural in 't Choufgebergte, in 't midde vaan 't land. Sinds de oprichting vaan Libanon, in 1943, naom 't rilletief aontal christene hendeg aof, wat te verdutse is door 't liegere vröchbaarheidsciefer vaan de christene in vergelieking mèt tot vaan de moslims. De lèste jaore nump hun rilletief aondeil touw, doortot väöl christene de oorlogslen Syrië en Irak oontvlöchte.

De meiste lui in Libanon kalle 't Libanees en 't Levantiens Arabisch. 't Standaardarabisch is de officieel taol, en 't Frans weurt väöl gebroek in 't oonderwies. De Libanese jäög kalt ummertouw mie Frans. De lèste jaore weurt ouch 't Ingels populair, veural in 't wetesjappelek oonderwies. Minderheidstaole zien 't Armeens, 't Grieks en 't Koerdisch.

In de periode 1975-2011 verlete 1,8 mieljoen Libaneze hun land. Gesjat weurt tot ach à veertien mieljoen lui op de wereld 'ne Libanesen aachtergroond höbbe. De Libanese diaspora is 't groets in len wie Brazilië, Canada en Australië.

Historie[bewirk | brón bewèrke]

Libanon waor in de ajdheid 't thoesland vaan de Feniciërs, e zievarend Semitisch volk. Oonder de Achaemenide vereuverde de Perze 't gebeed, en maakde 'n satrapie devaan. Ouch Alexander de Groete vereuverde 't, mèt meujte, en vaanaof de ierste iew veur Christus waor 't Roemeins. In de zevende iew brachte de Arabiere d'n islam, dee ziech in dit christelek gebeed mer koelek verspreide. Nao de ierste en derde Kruustochte woorte hei Kruusvaardersstaote gestiech. In de zestiende iew vereuverde de Osmaanse Törke 't land, dat oonder Törkse regering bleef tot 't nao d'n Ierste Wereldoorlog aon Fraankriek touwgeweze woort. Fraankriek bleef tot 1943 't land kolonisere.

Vaanaof 1975 braoke versjeie börgeroorloge oet tösse de versjèllende religieuze grópe. Syrië mingde ziech vaanaof 1976 intens in 't land en Israël veel in 1978 't zuie vaan 't land binne, um ziech 'tzelfde jaor weer trök te trèkke. Vaanaof 1982 heelt Israël dit gebeed laankdureg bezat um de PLO droet te hawwe. In 1989 heelt d'n oorlog, door intense oonderhandelinge binne de Arabische Liga, op mèt e vreisakkoord. In 2000 trok Israël zien lèste troepe trök. Daomèt waor de Syrische aonwezegheid ouch euverbojeg en de oonvrei euver hun bemeujenis naom touw. In 2005 woort nao e paar bleujeg aonsleeg op anti-Syrische politici de Cederrevolutie voltrokke, die de mach vaan Syrië braok en 't land dwong al häör troepe trök te trèkke.

Sinds 't oetbreke van d'n börgeroorlog in Syrië is 't oonröstig in 't land. De sjiitische beweging Hezbollah is in 't oeste vaan 't land actief. Dao gief 't regelmaoteg gevechte mèt aander strijdende partije oet Syrië. Islamitische Staot waor ouch actief in dees regio. De groete aantalle Syrische vlöchtelinge zörge veur maatsjappeleke oonrös in Libanon. 't Geit zeker um mie es 1,5 mieljoen lui op 'n bevólking vaan get mie es zes mieljoen.

Commons
In de categorie Lebanon van Wikimedia Commons zeen media gerelateerd aan dit óngerwerp te vènje
Lenj in Azië
Afghanistan · Armenië¹ · Azerbeidzjan · Bahrein · Bangladesh · Bhutan · Birma · Brunei · Cambodja · China · Cyprus¹ · Filipiene · Georgië¹ · India · Indonesië · Iran · Irak · Israël · Japan · Jeme · Jordanië · Kazachstan · Kirgizië · Koeweit · Laos · Libanon · Maledive · Maleisië · Mongolië · Nepal · Noord-Korea · Oezbekistan · Oman · Oos-Timor · Pakistan · Papoea-Nuuj-Guinea · Rusland¹ · Qatar · Saoedi-Arabië · Singapore · Sri Lanka · Syrië · Tadzjikistan · Thailand · Turkieë¹ · Turkmenistan · Vereinegde Arabische Emirate · Vietnam · Zuud-Korea
Aafhenkelike gebejer: Akrotiri en Dhekelia¹ · Gazasjtroek · Hong Kong · Macau · Westelike Jordaankantj
Sjtatus betwis: Abchazië¹ · Hoeg-Karabach¹ · Palestiense Sjtaot · Naord-Cyprus¹ · Taiwan · Zuud-Ossetië¹
1. Dit land ligk gedeiltelik of gans in Azië, meh weurt óm cultureel en historische raejes bie Europa ingedeild.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Libanon&oldid=414601"