Arabiere

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Lidstaote vanne Arabische Liga.

Arabiere zeen luuj die veurnamelik innen Arabische werreld woeanem em 't Arabisch es moderspraok höbbe.

Döks besteit verwarring euver 't waord. Ouch waordebeuk bevatte döks twievelechtige diffenisies van 't waord. Väöl luuj dinke det religie e wichtig criterium is en dat alle Arabiere moslim zeen, meh det is zeker neet 't val. Tródsdet 't grótste deil vanne Arabiere weltwied waal islamitisch is, laeve väöl kristelike Arabieren in beveurbeildj Egypte en Libanon. Wiejer wore väöl inwoeaners van beveurbeildj Mekka inne viefdjen ieëf ouch Arabiere. Anger luuj bepirken 't toet luuj die in 'n bepaoldje regio zeen gebaore, wie 't Arabisch sjiereilandj, wo de Arabiere van oearsprónk waal aafkumstig zeen, mer ouch dit is huuj gei sloetendj criterium mieë. Vaorts wuuertj döks gedach det alle Arabiere 'ne gemeinsjappelike veureiljer, wie Abraham (Arabisch: Ibrahim) höbben of mótten aafstamme van luuj die op 't Arabisch sjiereilandj laefdje, mer ouch det is neet 't val.

Saer Moeamed enne euverlevering vanne Koraan is d'n invlood van 't Arabisch oppe werreld hieël groeat gewaore. Dore Arabische vereuveringe saere zevendjen ieëf enne later arabisering van väöl lenjer wie die inne Maghreb is 't aantaal aan Arabieren inne werreld gegrudj toet róndje 200 miljoen.

Inne Middelieëve woorte de Arabiere Saracene geneump.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Arabiere&oldid=373181"