Bótterbloom
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Bótterbloom, bótterstang of hanevoot (Ranunculus) is e geslech van plantje inne femielje Ranunculaceae. Aafhenkelik vanne taxonomische opvatting tèltj dit geslech tösse de 250 en 600 saorte. De meiste hievan zeen euverblievendje, kroedechtige plantje mit helder gael of witte blome. Wen de kroeanblajer wit zeen, is 't centrum waal gael. 'n Aantaal saorte zeen einjäörig of twieëjäörig en inkel saorte höbbe oranje of roeaj blome.
Alle bótterblome zeen vergiftig veur 't vieë, meh doordet ze ónaangenaam smake blieve ze gelaote staon door 't vieë. Waal kan vergiftig veurkómme wen väöl bótterblome veurkómmen in aafgehuidje of aafgegraasdje weie, worin min aetbaar plantje zeen euvergebleve. De giftige stoffe, veural protoanemonine, waere gooddeils aafgebraoke wen de plantj wuuertj gedruueg, wodoor 't gemejdje hui waal veilig is.
Saorte
[bewirk | brón bewèrke]Hie-ónger völge inkel vanne bótterbloom saorte. Lit op det de bósbótterbloom geine bótterbloom is, mer 'nen anemoon!
- Akkerbótterbloom (Ranunculus arvensis)
- Behaordje bótterbloom (Ranunculus sardous)
- Bóshanevoot (Ranunculus polyanthemos subsp. nemorosus)
- Eechelgraas of weibótterbloom (Ranunculus flammula)
- Eechelkaole (Ranunculus lingua)
- Gifhanevoot (Ranunculus sceleratus)
- Góldbloom (Ranunculus acris)
- Góldhanevoot of kalkgóldbloom (Ranunculus auricomus)
- Knólbótterbloom (Ranunculus bulbosus)
- Kraopoeat (Ranunculus repens)
- Sjildjwaterhanevoot (Ranunculus peltatus)
- Speenkroed, hanekluuetjes of wrattekroed (Ranunculus ficaria subsp. bulbilifer)
- Vlaot (Ranunculus fluitans)
- Waterhanevoot, waterbótterbloom of paolingkroed (Ranunculus aquatilis)
- Wintjergreunwaterhanevoot (Ranunculus hederaceus)
Taxonomie
[bewirk | brón bewèrke]Brón
[bewirk | brón bewèrke]- (veur dialekname) Woordenboek van de Limburgse Dialecten III: 4.3, Flora.