Sjildjwaterhanevoot

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Sjildjwaterhanevoot.

Sjildjwaterhanevoot (Ranunculus peltatus) is 'n vaste waterplantj, behuuerendj toet 't geslech bótterbloom. De plantj vèltj óngere ranonkelfemielje (Ranunculaceae). De plantj wuuertj 10 toet 300 cm lank. De óngergedaoke blajer zeen fienverdeildj. Döks kómmen ouch drievendje blajer veur, die neervörmig zeen mit drie toet zeve löb. Ouch kónnen euvergangsblajer veurkómme, wovan de löb in draodvörmige slepen ènjige. de steunblaedjes zeen ómgedrejdj eiróndj en zeen mieër es driekwaart mitte blaadsteel vergreudj.

De sjildjwaterhanevoot bleutj van mei toet augustus mit witte blome, die gael zeen in 't bloomshert. De kroeanblajer zeen 0,6 toet 3 cm lank, bedèkken einanger mitte renj en höbben 'nen honinggleuf dae langer is es det t'r breid is (mieë halfmaonvörmig). De aafstäöndje, aafvallendje kelchblajer zeen 3 toet 6 mm lank. De vröch is 'n dwaersjgerumpeldje doepvröch mit 'n häökske. Oppe vröch zitj 'n elaiosoom.

De plantj kump veur in zeut, stilstäöndj toet vrie snel-struimendj water.