Knolbótterbloom

Van Wikipedia
(Doorverweze van Knólbótterbloom)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De knolbótterbloom.

De knolbótterbloom of knóbbótterbloom (Ranunculus bulbosus) is 'n kroedechtige plantj (bótterbloom) oete ranonkelfemielje (Ranunculaceae). Ane vote is de stengel verdiek toet 'ne knób of knol. De saort greutj langs waeg, op druueg weilenj en in huilandj. De plantj kump veur op zowaal vöchtige es druuege gróndj. Meistes is de gróndj kalkhajendj, maotig aetesriek en grazig.

De bloom is góldgael mit 'nen trögkgeslage kelch. De stengel is knóbvörmig verdiek óngere gróndj of ane voot. De bloomssteel is gegreuf. De stengel is 15 toet 50 cm lank en is aafstäöndj aan 't ungelste deil en aanligkendj behaordj baovenaan. De gael blome zeen 2 toet 3 cm groeat, alleinstäöndj en bleuje van april toet junie. 't Ungelste blaad is dreideilig of drietalig. De bäövelste blajer höbbe lancètvörmige slepe. De blaadstele zeen behaordj. De eirónj, duustergreun blajer zeen sómtieds zwart-gevlaak. De knolbótterbloom druueg doepvröchte mit 'ne korte snavel.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Knolbótterbloom&oldid=415967"