Wintjergreunwaterhanevoot

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Wintjergreunwaterhanevoot.

Wintjergreunwaterhanevoot (Ranunculus hederaceus) is 'n ein- of twieëjäörige waterplantj die behuuertj toete bótterblomen enne ranonkelfemielje (Ranunculaceae). 't Is 'n plantj die veurkump in óndeep, struimendj, zeut of zwaak braakwater van nate plaatsen in graaslandj. De plantj kump van netuur veur in Wès-Europa en is betrèkkelik zeldjzaam.

De plantj wuuertj 5 toet 25 cm hoeag. De vertakdje, kroependje stengele zeen róndj, haol, ónbehaordj en wörtelen oppe knub. De neer- toet hertvörmige, get glanzendje blajer zeen óndeep drie- toet vieflöbbig.

De wintjergreunwaterhanevoot bleutj van april toet september en haet witte blome. De 2 toet 4,5 mm lang kroeanblajer zeen bao nieks langer es de kelchblajer. De honingklere zeen halfmaonvörmig.

De deilvröchte zitten in köpkes. De dwaersjgerumpeldje deilvröch is 'n doepvröch. De snavel vanne doepvröch zitj get óngeren toep en ane doepvröch zitj ouch 'n elaiosoom. 't Zaod is 1,5 mm lank en 1 mm breid.