Bóshanevoot

Van Wikipedia
(Doorverweze van Ranunculus polyanthemos)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Bóshanevoot.

De bóshanevoot (Ranunculus polyanthemos subsp. nemorosus of Ranunculus nemorosus) is 'n bótterbloom oete ranonkelfemielje (Ranunculaceae). Dees óngersaort is hieël zeldjzaam in Nederlandj en ouch sterk aafgenómmen in aantaal. Saer 1 jannewarie 2017 is dees plantj wèttelik besjurmp. Allewiel kump de bóshanevoot namelik allein nag veur inne ómgaeving van Nijmege en in Zuud-Limbörg.

De bóshanevoot kan toet 90 cm hoeag waere. Hae haet 'ne rechstäöndje stengel sónger oetluipers. De plantj is behaordj mit sterk-aafstäöndje haor. De blajer zeen deep ingesneje. De plantj bleutj in mei mit góldgael blome. De kelchblajer staon juus wie de kroeanblajer oetgesprèdj enne stampers vörme samen 'ne bol. De bloomsstele zeen euverlangshaer gegreuf. De vröchte zeen kaal en höbben 'ne gekrómdje snavel.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bóshanevoot&oldid=415839"