Góldbloom

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De góldbloom.

De góldbloom of sjerpe bótterbloom (Ranunculus acris) is 'n euverblievendje bótterbloom oete ranonkelfemielje (Ranunculaceae). De plantj kump algemein veur in Nederlandj en op 't Belsj in weilenj en ane waegkantj. Maximaal kan de plantj 1 m hoeag waere. Wiejer haet de plantj wortelen inne vorm van oetluipers.

't Blaad vanne góldbloom is min of mieë behaordj. De ungelste blajer höbben 'ne lange blaadsteel en ze zeen handjvörmig en deep ingesni-jje. De ungelste blajer zeen vief- toet zevedeilig of vief- toet zevespletig gedeildj. De bäövelste blajer zeen zittendj en gans in lintjvörmige slepe gedeildj.

De plantj bleutj van april toet inne herfs. De bloom is glanzendj góldgael, haet 'n doorsnit van 1,5 toet 2,5 cm en vief kroeanblajer. Taenge de kroean aan ligke behaordje kelchblajer en de plantj haet väöl maeldräöj. De behaordje bloomssteel is róndj en óngegreuf.

De góldbloom druueg doepvröchte mit 'ne korte, krómpe snavel.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Góldbloom&oldid=415873"