Kraopoeat

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Kraopoeat.

Kraopoeat (Ranunculus repens) is 'n bótterbloom oete ranonkelfemielje (Ranunculaceae). De saort vermeinigvöljig zich gemekkelik mitte kroepetige oetluipers mit blajer, die wortele oppe knuup. Hiedoor kan snel 'n groeate oppervlakdje waere bedèk. Juus wie de anger bótterblome is kraopoeat lichtelik vergiftig; daoveur luuetj 't vieë 't staon. Kraopoeat kump veur op aope of grazige, zónnige toet lich-besjieëmdje plaatse, mit e vöchtig toet naat en (maotig) aetesriek miljeu. Kraopoeat duit 't good op vriewaal alle gróndjsaorte. De saort is algemein op akkers, braakgrunj, vöchtige weie en anger vöchtige plaatse.

De plantj haet lankgesteeldje en meistes behaordje blajer in 'ne rozètvorm. De blajer zeen verdeildj in drie löb. De middelste lob is gesteeldj. De plantj wuuertj 10 toet 50 cm hoeag en bleutj van april toet julie. De bóttergael bloom besteit oet vief rechte, lich-behaordje kelchblajer. De plantj óntwikkeldj gledde vröchte mit 'ne korte gebaoge snavel op 'ne bolvörmige vröchkop.

Kraopoeat wuuertj döks verwardj mitte góldbloom (Ranunculus acris) dore gelieke blajer. Bie kraopoeat is 't middelste deilblaad vanne ungelste blajer aevel ummer e stök langer-gesteeldj es de twieë anger deilblajer. De bloomssteel is opstiegendj mit oetluipers en ummer gegreuf; det is noeatj 't val bieje góldbloom.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kraopoeat&oldid=415969"