Blaadrozèt

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Blaadrozèt bie 'n piesbloom (Taraxacum officinale).

E blaadrozèt of 'n rosula is de vorm bie 'n plantj wobie de blajer kort opperein in 'ne krink zitte. Wen de blajer ouch kort oppe gróndj zitte sprèk me van 'ne wortelrozèt. Blaadrozètte kónnen ouch hoger baove de gróndj anen toep vanne stengel zitte, wie bieje heksemilk (Euphorbia amygdaloides).

Bie e rozèt is de stengel sterk trögkgedrónge. Sómtieds höbbe de rozètblajer 'nen angere vorm es de stengelblajer. Dore vörming van e blaadrozèt waeren inne drekke ómgaeving vanne plantj anger plantje verdrónge, wodoor e concurrentieveurdeil óntsteit.

Blaadrozètte kómme väöl veur bie twieëjäörige plantje, wobie in 't ieëste jaor e blaadrozèt wuuertj gevörmp.

Ouch bie versjillige landjboewgewesje vindj me blaadrozètte, worónger bie andievie en witlouf.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Blaadrozèt&oldid=417332"