Gifhanevoot

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De gifhanevoot of blaorehanevoot (Ranunculus sceleratus) is 'n einjäörige bótterbloom oete ranonkelfemielje (Ranunculaceae). Dae is 'n algemein-veurkómmendje, middelgroeate plantj die greutj op (hieël) vöchtige bäöm. Ieëre woort ze inne genaeskónde gebroek dore wortel tevermaolen en same mit aolje en deig toet pap te verminge. Door dit te aete kreeg me blaore. Zoea sjientj det te waere gebroek inne Middelieëve door baedelieërs die mitlieje maakdje mit häör blaore.

De gifhanevoot haet gael blome. Hae haet vief kroeanblajer en vief kelchblajer; de kroeanblajer zeen net get langer es de trögkgeslage kelchblajer. De blome waere zoeaget 0,5 cm groeat en bleuj van mei toet september. De plantj haet 'ne veurkäör veur stikstofrieke, vöchtige gróndj.

Juus wie alle anger bótterblome haet de gifhanevoot de giftige stof protoanemonine. Van alle bótterblome haet de gifhanevoot dees stof inne hoogste gehalte: 2,5%. Wen de blajer waere besjajig of vermaole kan dees stof in kóntak kómme mitte miensjelike hoed; dit lieëvertj pienlike blaore.