Vild

Dit artikel is gesjreve (of begós) in 't Bergs/Vilts. Laes hie wie v'r mit de versjillende saorte Limburgs ómgaon.

---

Mariakapel mèt modern madonna in Vild

Vild (Hollands: Vilt) is e gehuch in de gemeinte Valkeberg aan de Geul. 't Dörp lik aan de Riekswèèg en 'n paar ziewaeg, tösje Berg en Valkeberg, baovenaan de Cauberg. 'n Aantal mergele häöf en hoezer ligke aan dèh groate wèèg en aan de Geulgrach en Subberwèèg. Aan dizze wèèg nao Sub bevingk zich 'n groate carréboerderiej mèt twiè róndbaog-inriejpaorte. Van Vilt löp nao Valkeberg, door de heuvele, 'n sjtiel gröb bergaaf, langs woa in vreuger jaore de doaje nao de kèrk woorte verveurd, de zoageneumde Liekwaeg.
De naam van dit dörp zou kómme van 't woord 'veld'; in ouw sjepebeuk kumste de naam ouch waal tège es 'Veeldt', 'Velt' en 'Vylt'.

Vild is veural bekènd van de Heuvelland Veerdaagse, die eder jaor in de umgèving van dit dörp weurt geloupe. Hieaan doont de lètste jaore ruim 4000 wandelèèrsj mèt.

't Plèètske haet gein eige kèrk en behuèrt tot de parochie Berg. Tot e paar jaor geleje laog dao wál nog ein katholieke basissjoal. Op eine driesjprunk mèt de Riekswaeg sjteit 'n Mariakapel mèt 'n modern madonna.

Dialek

't Dialek wat ze in Vilt kalle is bienao geliek aan dat van 't Valkebergs, (Boete de Paort). Meh in Vild zègke ze beveurbeeld ich, mich en is tège 't Boete de Paorts: iech, miech en ies.

• Sjeng Rouvroye is 'ne sjriever en regisseur van dialektoneelsjtökker,
• Huub Duijzings, sjriever van dialekverhaole

Inweunersj

• Guus Sjmeets, gebaore in Valkeberg, is zenger en componis van dialekmuziek.

Dörpsvereiniginge

• Harmonie Armicitia
• Toneelvereiniging De Vriendenkring
• Carnavalsvereiniging d'n Törk
• Jonkheid Vilt