Harmonie

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Groepsfoto van 'n harmonie.

'n Harmonie is 'n orkes dat besjtèèt oet blaozers en sjlagwaerk. In taegesjtèlling tut 'n fanfaar en 'n brassband, die allèng kaoëperblaozers haat, zoewie trompètte, tuba's, bugele en hoorns, sjpäöle in 'n harmonie ooch hootblaozers mit, wie klarinètte, dwarsjfleute, hobo's en fargotte.

't Versjèl tusje 'n harmonie en 'n symfonieorkes liegkt in 't versjillend repertoire en de versjillende funkties van de orkeste. Dèk wert gemiengd dat 't versjèl ooch hie in de instrumaente liegkt en dat 'n symfonieorkes zich oondersjèjd van 'n harmonie dör 't gebruuk va sjtriekers. Mètstens keumt dat oondersjèèd in de praktijk ooch väör, mae 'n harmonie kan ooch sjtriekers ha.

Vanaodsher haat 'n harmonie dèk 'n kapel, 'ne klèngere groep muzikaante die lichter repertoire sjpäöle oeë-op gedaansd kan werre. De bezètting van 'n kepel hoeft neet vas te zieë qua persone, mae dèk waal qua instrumaente. Zoe'n kepel haat soms 'ne èège naam en haat de funktie um op lokaal niveau feestaovende te verzörge.

Belangrieke waeltconcourse zeunt 't Concours va Certamen in Valencia (Sjpanje) dat èns in 't jaor gehaowe wert. Ens in de veer jaor wert 't Wereld Muziek Concours, 't WMC, in Kèrkraoj georganiseerd.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Harmonie&oldid=350284"