Mateusz Morawiecki
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
Mateusz Morawiecki (sprik oet: Ma-té-oesj Mo-ra-vjéts-kie), voloet Mateusz Jakub Morawiecki (20 juni 1968, Wrocław) is 'ne Poolsen ikkenemis, historicus en polletieker dee sinds 2017 de premier vaan Pole is. Heer is lid vaan de rechs-conservatieve en nationalistische polletieke partij Rech en Rechveerdegheid (Prawo i Sprawiedliwość, PiS). PiS is deil vaan de Europese polletieke partij ECR (European Conservatives & Reformers), boe ouch de Belzje LDD en N-VA, de Duitse AfD en de Nederlandse FvD, JA21 en SGP deil vaan oetmake.
Oonder premier Beata Szydło waor heer vaan 2015 bis 2017 vicepremier, vaan 2015 bis 2018 minister vaan oontwikkeling en vaan 2016 bis 2018 minister vaan financies. Daoveur waor heer 'ne zakemaan.
Morawiecki zien polletieke partij, PiS, is rechs-conservatief. Ze is op socio-ikkenomisch niveau evels linkser es de meiste partije in Pole; zoe is ze véúr 'ne sterke welveertstaot, o.a. in 't financieel steune vaan wèrkloeze, en véúr 't verhoege vaan belastinge veur groete bedrieve en aondeilhawwers. Op cultureel niveau is zie evels zier rechs en op force vaan sommege polletieke weitesjappers zelfs extreemrechs. Zoe is PiS contra homohouwelek, wijer Europese integratie, niet-Europese migratie, euthanesie en softdrugs en véúr hevegere straofe veur criminele. Toch is zie neet extreem Eurosceptisch: PiS is expliciet veurstender vaan de Europese Unie en ouch veur 't versterke vaan bepaolde Europese integratieprojecte, veural op 't gebeed vaan veilegheid en defensie. Zoe waor PiS 'ne veurstender vaan 't oetbreie vaan de competenties vaan Frontex.
Morawiecki heet 'n vrouw en veer kinder.
 Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
|
|---|
| Charles Michel, President vaan d'n Europese Raod (gein sjtömrech), Ursula von der Leyen, President vaan de Europees Kemissie (gein sjtömrech)
|
 Belsj: De Croo (RH) |  Bulgarieë: Denkov (RH) |  Cyprus: Christodoulides (SH) |  Daenemarke: Frederiksen (RH) |  Duutsjlandj: Scholz (RH) |  Eslandj: Kallas (RH) |  Finlandj: Orpo (RH) |  Frankriek: Macron (SH) |  Griekelandj: Mitsotakis (RH) |  Hongarieë: Orbán (RH) |  Ierlandj: Varadkar (RH) |  Italië: Meloni (RH) |  Kroatië: Plenković (RH) |  Letlandj: Kariņš (RH) |  Litouwe: Nausėda (SH) |  Luxembörg: Frieden (RH) |  Malta: Abela (RH) |  Nederlandj: Rutte (RH) |  Oesteriek: Nehammer (RH) |  Pole: Morawiecki (RH) |  Portugal: Costa (RH) |  Roemenië: Iohannis (SH) |  Sjlowakieë: Fico (RH) |  Sjlovenië: Golob (RH) |  Sjpaanje: Sánchez (RH) |  Tsjechië: Fiala (RH) |  Zjwaeje: Kristersson (RH)
|